Posted: 09/04/2012 01:06 PM IST

టాయిలెట్‌ సీటుపై కన్నా ఎక్కువగా మీ సెల్‌ఫోన్‌పై సూక్ష్మక్రిములు ఉన్నాయంటే మీరు నమ్మలేక పోతున్నారా ? కాని ఇది నిజం. పరిశోధకులు దీన్ని సాక్ష్యాలతో సహా రుజువుచేశారు. అరిజోనా యూని వర్సిటీకి చెందిన పరిశోధకులు చేపట్టిన ఈ తాజా అధ్యయనంలో సెల్‌ఫోన్లపై ఆవాసం ఏర్పరుచుకున్న సూక్ష్మక్రిములు టాయిలెట్‌ సీటుపై ఉన్న క్రిములతో పోలిస్తే10 రెట్లు ఎక్కువగా ఉన్నాయని వారు గుర్తిం చారు. వీటి మూలంగా శ్వాసకోస, జీర్ణకోశ సమస్యలు వచ్చే అవకాశం ఉందని వారు తెలిపారు. ఫోన్లను ఒకరి చేతినుంచి మరొకరి చేతిలోకి మారుతూంటే ఈ క్రిముల సంఖ్య పెరుగుటతోపాటు వ్యాధులు కూడా పెరుగుతాయని వారు వెల్లడించారు. ఈ పరిశోధనలో పాలుపంచుకున్న మైక్రోబయోలజిస్ట్‌ చార్లెస్‌ జెర్బా వివరాలను తెలుపుతూ.. సెల్‌ఫోన్‌ను నోటీకి దగ్గరగా పెట్టుకొని మాట్లాడం మూలాన వ్యాధులు సంక్రమిస్తున్నట్లు తేల్చారు. ఈ ఎలక్ట్రానిక్‌ సాధనాలను శుభ్రం చేయవీలులేకున్నప్పటికి కొన్ని నెలలకు ఒకసారైనా, ఆంటి బ్యాక్టీరియా కలిగిన పదార్థాలతో శుభ్రం చేస్తే సూక్ష్మ క్రిముల సంఖ్యను తగ్గించే వీలుందని ఆయన అన్నారు.

సెల్‌ఫోన్‌ లను తుడవటం వంటివి చేయకపోవటం మూలాన వాటిపై బాక్టీరియా తదితర సూక్ష్మ క్రిముల సంతతి విస్తరిస్తుందని తెలిపారు. గతంలో కూడా పరిశోధకులు ఏటీఎం మెచైన్లు, కంప్యూటర్‌ కీబోర్డులు, టీవీ తదితర ఎలక్ట్రానిక్‌ ఉపకరణాలకు చెందిన రిమోట్‌ కంట్రోళ్లపై కూడా బాక్టీరియా, ఈ కోలీ, కోలిఫర్మ్‌, స్టెఫిలోకోకస్‌ అరెయుస్‌, ఎంటరో బ్యాక్టీరియా, బాసిల్లియస్‌ వంటి సూక్ష్మ క్రిములున్నాయని గుర్తించారు. ఇవి మనిషికి డయోరియా, తదితర అనారోగ్యాలను కలిగిస్తాయని వారు తెలిపారు.