Posted: 09/03/2012 05:05 PM IST

తెలుగు దేశం పార్టీ నాయకుడు, పోలిట్ బ్యూరో సభ్యుడు ఎర్రన్నాయుడు సీఎం కిరణ్ కుమార్ రెడ్డి పై విరుచుకుపడ్డారు.  ముఖ్యమంత్రి కిరణ్ కుమార్ రెడ్డి ప్రభుత్వ సొమ్ముతో అవినీతి కుంభకోణాలు చేసి జైలు కెళ్లిన జగన్ ని కాపాడుతున్నాడని, న్యాయ సహాయం పేరిటే కాపాడేది మంత్రుల్ని కాదని ఆయన ఢిల్లీలో విమర్శించారు. శంకర్‌రావు, తాను వేసిన పిటిషన్లపై హైకోర్టు ఇచ్చిన నోటీసులకు కౌంటర్ ఇవ్వని ప్రభుత్వం, ఇప్పుడు మంత్రుల కోసం ప్రజాధనాన్ని ఎందుకు ఖర్చు చేస్తోందని ప్రశ్నించారు. నిజానికి ఇదంతా జగన్‌ను రక్షించేందుకు రాష్ట్ర ప్రభుత్వం ఆడుతున్న నాటకమని విమర్శించారు. ఎన్నికల్లో జగన్‌పై తీవ్ర విమర్శలు చేసిన సీఎం, పీసీసీ అధ్యక్షుడు, కాంగ్రెస్ నాయకులు ఇప్పుడు ఎందుకు జగన్ ప్రస్తావన చేయటం లేదని ప్రశ్నించారు. ఇదంతా కాంగ్రెస్- జగన్ మధ్య జరిగిన మ్యాచ్ ఫిక్సింగ్ అని ఆరోపించారు. జగన్ ఎప్పటికైనా కాంగ్రెస్‌లో కలిసిపోతారని జోస్యం చెప్పారు.