Posted: 08/23/2012 11:34 AM IST

 శ్రీకాకుళం జిల్లా పోలాకి మండల పరిషత్ ఉద్యోగి శివప్రసాద్‌ను ఇన్‌చార్జి ఎంపీడీవో రమణమూర్తి చెప్పుతో కొట్టాడు. ఆయన జూన్‌లో కంటిఆపరేషన్ కోసం 15రోజులు సెలవుపెట్టారు. దీనికి సం బంధించి బిల్లుపై సంతకం కోసం ఎంపీడీవో అడిగినా స్పందించలేదు. గతంలో ఇక్కడ ఇన్‌చార్జి ఎంపీడీవోగా పనిచేసిన పోన్నాన లక్ష్మణరావు రావడంతో శివప్రసాద్ తన గోడును చెప్పుకున్నాడు. ఇంతలో రమణమూర్తి కోపంగా వచ్చి దుర్భాషలాడుతూ చెప్పుతో శివప్రసాద్‌ను కొట్టినట్లు అక్కడేఉన్న ఇంజనీరింగ్ అధికారి జనార్దనరావు, సిబ్బంది చెబుతున్నారు. కాగా శివప్రసాద్ తనను కులం పేరుతో దూషించాడంటూ రమణమూర్తి స్థానిక పోలీస్‌స్టేషన్‌లో ఎస్‌సీ, ఎస్‌టీ అట్రాసిటీ కింద ఫిర్యాదు చేశారు.