Posted: 08/19/2012 05:56 PM IST

       ప్రజల మాన ప్రాణాలకు, వారి సంక్షేమానికి రాజ్యంగ బద్దంగా క్రుషి చేస్తానని ప్రమాణం చేసి మంత్రి అయిన ఆ అయోగ్యుడి కామదాహానికి ఓ అభాగ్యురాలు బలైపోయింది. ఈ కేసు ప్రస్తుతం సర్వత్రా సంచలనం రేకెత్తిస్తుంది. వివరాల్లోకి వెళితే.. మాజీ ఎయిర్ హోస్టెస్ గీతికాశర్మ హత్య కేసులో నిందితుడు, హర్యానా మాజీ మంత్రి గోపాల్ కందాను పోలీసులు ఎట్టకేలకు ఆనక అరెస్టు చేశారు. కాదు.. కాదు.. కామాందుడే లొంగిపోయాడని చెప్పాలి. న్యూ ఢిల్లీలోని అశోక్ విహార్ పోలీస్ స్టేషన్ లో గోపాల్ లొంగిపోయాడు. తన సోదరుడు గోవింద్ కందాతో పాటు అనుచరులతో కలిసి పోలీస్ స్టేషన్  దగ్గరకు వచ్చిన ఆయన్ను పోలీసులు అదుపులోకి తీసుకున్నారు.   అంతకుముందు అరెస్టు తప్పించుకొనేందుకు ఆయన ముందస్తు బెయిల్ కోసం ఢిల్లీ కోర్టులో పిటిషన్ దాఖలు చేశారు. ఈ బెయిల్ పిటిషన్ ను కోర్టు తిరస్కరించడంతో లొంగిపోవాల్సి రావటంతో కందా పోలీసులకు చిక్కాడు.
       గీతికను పనిలోపెట్టుకుని అనుక్షణం మానసికంగానూ, శారీరకంగానూ హింసించిన కందా హింసకు తట్టుకోలేక దుబాయ్ లో ఉద్యోగం చూసుకున్న గీతికను వెంటాడి వేటాడి, ఉద్యోగం తీయించి మరీ ఆమె ప్రాణాలు పోగొట్టుకునేలా చేసిన గోపాల్ కందాను మన న్యాయస్థానాలు ఎలా శిక్షిస్తాయో చూడాలి..

...avnk