Posted: 08/13/2012 08:51 PM IST

వాన్ పిక్ భూముల సేకరణ లో జరిగిన అవకతవకల పై సీబీఐ ఇవాళ మరో ఛార్జిషీటును ధాఖలు చేసింది. ఈ కేసులో ఇదివరకే జగన్, విజయసాయిరెడ్డి,నిమ్మగడ్డ ప్రసాద్, మాజీ మంత్రి మోపిదేవి వెంకట రమణరావులను కీలక నిందితులుగా చేర్చింది. ఇవాళ ధాఖలు చేసిన దాంట్లో మరో మంత్రి, అప్పటి రెవిన్యూశాఖ మంత్రి ధర్మాన ప్రసాదరావును ఎ-5 గా చేర్చింది. ఆయనతో పాటు నియర్ ఐఎఎస్ అధికారులు శ్యామ్యూల్,మన్మోహన్ సింగ్ ల పేర్లను కూడా చేర్చింది. దీంతో ధర్మాన ప్రసాదరావుకి గండం వచ్చిపడినట్లు అయింది. దీంతో ఆయన మంత్రి పదవికి రాజీనామా చేయాల్సిన నిర్బంధం ఏర్పడింది.

ఈ విషయం తెలుసుకున్న మంత్రి ధర్మాన ప్రసాదరావు హుటాహుటిన ఢిల్లీకి బయలుదేరి వెళ్లారు. అక్కడ అధిష్టానం పెద్దలతో తన రాజీనామాతో పాటు.. చార్జిషీటులో తన పేరును పేర్కొనడాన్ని ప్రస్తావించనున్నట్లు సమాచారం. ఈ వ్యవహారం మొత్తం పరిశీలించాకే దీని పై మాట్లాడతానని ధర్మాన చెప్పారు. మరో వైపు విపక్షాలు ధర్మాన రాజీనామా చేయాలని డిమాండ్ చేస్తున్నాయి. తెలుగు దేశం నాయకులైతే మంత్రి పదవికి రాజీనామా చేయాలని, ఆమంత్రిని వెంటనే అరెస్ట్ చేయాలని డిమాండ్ చేస్తున్నారు. మొత్తంగా చూసుకుంటే ముఖ్యమంత్రి కిరణ్ కుమార్ కి చిక్కుల మీద చిక్కులు వచ్చిపడుతున్నాయి. మరి వీటిని కిరణ్ పరిష్కరిస్తాడో లేక ఇంతలో ఆయనే దిగి పోతాడో చూడాలి.