Posted: 08/08/2012 05:49 PM IST

విద్యార్థుల చదువుల కోసం చెల్లిస్తున్న  భోధనా రుసుముపై  పరిమితి  విధించడం  సరైంది కాదని  కాంగ్రెస్ ఎంపీ  చిరంజీవి  అభిప్రాయపడ్డారు.  మంత్రి వర్గ  ఉపసంఘం  నిర్ణయం పై  ఆయన తన సన్నిహితుల వద్ద  మాట్లాడుతూ  తీవ్ర నిరసన వ్యక్తం చేశారు.  ఇదే అంశం పై  కొందరు ఎమ్మెల్యేలు , పార్టీ  నేతలతో  ఫోన్ లో  మాట్లాడినట్లు తెలుస్తోంది.  సామాజిక  న్యాయ సాధన అనే నినాదంతో  రాజకీయాల్లోకి వచ్చిన తాము  బీసీ విద్యార్థులకు  అన్యాయం జరిగే విధానాన్ని  వ్యతిరేకించాలని  నిర్ణయించారు.  చౌక బియ్యం పై రాయితీ భారాన్ని  భరిస్తున్న  తరహాలోనే  బోధన రుసుములను  ప్రభుత్వమే  చెల్లించాలని  కోరుతూ చిరంజీవి  ముఖ్యమంత్రి కిరణ్ కుమార్ రెడ్డికి  లేఖ రాయబోతున్నారు.