Posted: 08/08/2012 05:18 PM IST

ఇంట్లో పనికిరాని వస్తువులు పేరుకుపోతున్నాయా?  ఏదీ పడేద్దామన్నా  మనసోప్పటం లేదా? అయితే  , మీరు హోర్టింగ్  డిజార్డర్  అనే మానసిక   సమస్యతో  భాదపడుతున్నట్లే లెక్క . ఈ సమస్య  ఉన్న వారిలో  నిర్ణయం తీసుకునే సామర్థ్యం  కూడా తక్కువగా  ఉంటోందని  ఒక అధ్యయనంలో  తేలింది.  అమెరికాలోని ఇన్ స్టిట్యూబ్  ఆఫ్  లివింగ్  శాస్త్రవేత్తలు  హోర్డింగ్  డిజార్డర్ తో  భాదపడుతున్న  వారిని ఆరోగ్యవంతులను  కొద్ది మందిని  తీసుకొని ఒక సర్వే  జరిపారు.  అందరికీ కొన్ని రకాల  కాగితం  వస్తువులు , వార్తా పత్రికలు , ఉత్తరాలు  ఇచ్చారు.  వీటిలో వారికి  సంబంధించినవి  కొన్ని కాగా  వారికి సంబంధం లేదని  మరికొన్ని.  అవసరం ఉన్నవని  భావించిన  వాటిని తమవద్దే  ఉంచుకోవచ్చ లేని వాటిని   పక్కన పపెట్టేయవచ్చు .  ఈ సందర్భంగా  ఆయా వ్యక్తుల మెదడులో  కలిగే స్పందనలను  ఎఫ్ ఎంఆర్ ఐ  ద్వారా శాస్త్రవేత్తలు  పరిశీలించారు.  హోర్డింగ్  డిజార్డర్  ఉన్న వ్యక్తులు   ఏదైనా  వస్తువును  పక్కనబెట్టాలా  లేదా అనే అంశాన్ని  ఆలోచిస్తున్నప్పుడు  వారి మెదడులోని  ఆంటీరియర్  సింగ్యులేట్ కార్టెక్స్ తో పాటు ఇతర  ప్రాంతల్లో  స్పందన   చాలా ఎక్కువగా  ఉంటోందని  పరిశోధకులు  గుర్తించారు.