Posted: 08/06/2012 01:28 PM IST

       మానవుడి మేథస్సుకు అవధులు లేవు. కొత్త విషయాల అన్వేషణలో ప్రపంచం కొత్త పుంతలు తొక్కుతూనే ఉంది. దాదాపు ఏడాది క్రితం నాసా ప్రయోగించిన 'క్యూరియాసిటీ రోవర్' అంగారక గ్రహంపై దిగింది. దీంతో అమెరికా రాజధాని వాషింగ్టన్ లోని నాసాలో శాస్త్రవేత్తలు సంబరాలు జరుపుకుంటున్నారు. అంగారక గ్రహంపై జీవం ఆనవాళ్లను రోవర్ పసిగట్టనుంది. అత్యాధునిక టెక్నాలజీతో తయారైన క్యూరియాసిటీ రోవర్ 2011 నవంబరు 26న భూమి నుంచి బయలుదేరింది. ఇది అంగారక గ్రహంపై రెండేళ్లపాటు పనిచేస్తుంది. దీని ప్రయోగానికి అయిన ఖర్చు 13,700 కోట్ల రూపాయలు. ఈ ప్రయోగ ఫలితంగా ఇప్పటి వరకూ భూమిపైనే నడయాడిన మానవుడు అతి దగ్గరలో అంగారక గ్రహం మీదా మనుగడ సాగించేందుకు మార్గం సుగమం కానుంది.

...avnk