Posted: 07/28/2012 03:05 PM IST

      విధి నిర్వహణలో ఉన్న పోలీసు అధికారిని 1990లో సర్వీస్ రైఫిల్‌తో కాల్చి చంపి జీవిత ఖైదును అనుభవిస్తోన్న అబ్దుల్ ఖదీర్‌కు క్షమాభిక్ష ప్రసాదించాలని గవర్నర్ నరసింహన్‌ను దేవాదాయ శాఖ మంత్రి సి.రామచంద్రయ్య కోరారు. రాజ్‌భవన్‌లో గవర్నర్ నరసింహన్‌ను కలిసిన రామచంద్రయ్య.. ఖదీర్‌కు క్షమాభిక్షను ప్రసాదించాలని కోరుతూ రాజ్యసభ సభ్యుడు కె.చిరంజీవి రాసిన లేఖను అందించారు. ఈ అంశాన్ని పరిశీలిస్తామని రామచంద్రయ్యకు గవర్నర్ హామీ ఇచ్చారు. కాగా స్వాతంత్య్ర దినోత్సవాన్ని పురస్కరించుకొని ఖైదీల విడుదలపై ప్రభుత్వం స్పందించాలని మావోయిస్టు నేత నాగిరెడ్డి పాండురంగారెడ్డి అలియాస్ సాగర్ డిమాండ్ చేశారు. కడప జైల్లో ఉన్న ఆయనను పోలీసులు గుంటూరు జిల్లా మాచర్ల కోర్టులో హాజరుపరిచారు. ఈ సందర్భంగా ఆయన మీడియాతో మాట్లాడారు. ఖైదీలకు క్షమాభిక్ష పెట్టాలని ప్రభుత్వాన్ని కోరారు.

...avnk