Posted: 07/24/2012 05:12 PM IST

కారు కడగాలన్నా.. ఇల్లు కట్టుకోవాలన్నా పుణె వాసులు ఓ క్షణం ఆలోచించాల్సిందే! ఎందుకంటే ఆ పనుల కోసం నీటి వినియో గం ఇప్పుడు నిషిద్ధం. వాహనాలను శుభ్రం చేసేందు కు తాగునీటిని లేదా భూగర్భజలాలను దుర్విని యో గం చేయొద్దంటూ పుణె మున్సిపల్ కమిషనర్ ఆం క్షలు పెట్టారు. పుణెకు నీటి సరఫరా చేసే నాలుగు డ్యాంలలో నీటి మట్టం ఆందోళనకర స్థాయికి తగ్గిపోవడంతో ఈ కఠిన చర్యలు తీసుకొన్నారు. దీనికి సంబంధించి కమిషనర్ మహేశ్ పాఠక్ రాతపూర్వక ఆదేశాలిచ్చారు. నీటి దుర్వినియోగాన్ని అరికట్టాలంటూ అన్ని విభాగాలకు, కార్లు శుభ్రం చేసే 1200 కేంద్రాలకు ఈ ఉత్తర్వు పంపారు.

దీనిని ఉల్లంఘిస్తే కఠిన చర్యలు తీసుకుంటామని హెచ్చరించారు. కార్లు కడిగేందుకు మంచినీటిని వాడొద్దంటూ ఇప్పటికే ఆంక్షలున్నాయి. భూగర్భజలాన్నీ వినియోగించవద్దని తాజా ఉత్తర్వులో పేర్కొనడంతో నిషేధం సంపూర్ణంగా అమల్లోకి వచ్చినట్టయింది. అంతేకాదు.. భవన నిర్మాణంలో నీటిని వినియోగించడాన్నీ నేరంగా పరిగణిస్తామని ఆయన హెచ్చరించారు .