Posted: 07/23/2012 01:13 PM IST

సంఖ్యాశాస్త్రంలో 13 అంకెను దురదృష్టానికి సంకేతంగా భావిస్తారు. కానీ ప్రణబ్ విషయంలో ఆ సంఖ్యే అదృష్టంగా మారింది. తొలిసారి లోక్‌సభకు ఎన్నికైనప్పటి నుంచి ప్రస్తుతం 13వ రాష్ట్రపతిగా ఎన్నికయ్యే వరకూ ఆయనకు కలిసొచ్చేలా చేసింది. దాదాకు 1957 జూలై 13న వివాహమైంది. 2004లో మే 13న తొలిసారి లోక్‌సభ ఎంపీ అయ్యారు. కేంద్ర మంత్రిగా పనిచేసినప్పుడు హోదాకు తగ్గట్లుగా పెద్ద భవంతిలో ఉండే అర్హత ఉన్నప్పటికీ చాలా ఏళ్లుగా ఢిల్లీలోని నంబర్ 13, తల్కతోరా రోడ్డులోని నివాసంలో ఉంటున్నారు. లోక్‌సభ నాయకుడిగా ఎనిమిదేళ్లపాటు పనిచేసినప్పుడు పార్లమెంటులో ఆయన ఆఫీసు గది నంబర్ కూడా 13గా ఉండేది. రాష్ట్రపతి ఎన్నికలో దాదాకు లభించిన ఓట్ల విలువ 7,13,763లో కూడా ‘13’ ఉండటం విశేషం.