Posted: 07/19/2012 12:57 PM IST

ఐపీఎల్-5 ముగిసి చాలా రోజులైనా వివాదాలు ముసురు మాత్రం ఇంకా వీడడంలేదు. ఈ పోటీల ప్రారంభోత్సవం సందర్భంగా చెన్నయ్‌లో జరిగిన కార్యక్రమంలో ఆటగాళ్లు, బాలీవుడ్ నటులు, పాప్‌స్టార్లు చేసిన అసభ్య నృత్యాలు, వికార చేష్టలను సోనీ మ్యాక్స్ చానల్‌లో ప్రసారం చేశారని న్యాయవాది కె.జెబకుమార్ మద్రాస్ హైకోర్టు మదురై బెంచిలో పిటిషన్ దాఖలు చేశారు.

ఆ ఫిర్యాదును విచారించిన న్యాయమూర్తి జస్టిస్ ఎ.సెల్వం బీసీసీఐ అధ్యక్షుడు శ్రీనివాసన్, ఐపీఎల్ అధ్యక్షుడు రాజీవ్ శుక్లా, కెటీ పెర్రీ, బొలింజర్, సోనీమాక్స్ టెలివిజన్, అమితాబ్, సల్మాన్ ఖాన్, ప్రియాంకా చోప్రా, కరీనా కపూర్‌లకు నోటీసులు జారీ చేశారు. దీనిపై వివరణ ఇవ్వాలని ఆదేశిస్తూ తదుపరి విచారణను వచ్చే 31వ తేదీకి వాయిదా వేశారు.