Posted: 06/04/2012 06:49 PM IST

ఉత్తరప్రదేశ్ లో ఎన్నికల ప్రచారం నిర్వహించి పార్టీని గెలించడంలో భంగపాటు పడిన కాంగ్రెస్ ప్రధాన కార్యదర్శి రాహుల్ గాంధీ ఇప్పుడు కర్ణాటక మీద పడ్డాడు. కర్ణాటకలోనైనా తన ప్రచారం ద్వారా రానున్న ఎన్నికలలోనైనా కాంగ్రెస్ పార్టీని అధికారంలోకి తేవడానికి ప్రయత్నాలు ప్రారంభించాడు. కర్ణాటకలోని దావణగెరె పట్టణంలో స్థానిక సంస్థలకు చెందిన కాంగ్రెస్ వదాధికారుల సమావేశంలో ఆయన పాల్గొన్నారు. ఈ సందర్భంగా ఆయన మాట్లాడుతూ.... ‘‘ఐక్యతతోనే రాష్ట్రంలో తిరిగి అధికారాన్ని చేపట్టవచ్చని పార్టీ నాయకులకు, కార్యకర్తలకు ఉద్భోదించారు.

కాంగ్రెస్ పార్టీని ఓడించే శక్తి సామార్థ్యాలు మాజీ ప్రధాని దేవెగౌడకు గానీ, భాజాపాకి గానీ లేవని, ఐక్యత లోపించడం వల్లనే ఓటమి చెందామని పేర్కొన్నారు. ఈ లోపాన్ని సరిదిద్దుకుంటే తిరిగి అధికారంలోకి రావడం ఖాయమని తెలిపారు. ప్రస్తుతం రాష్ట్రంలో కాంగ్రెస్ బలంగా ఉందని, మనకు కావల్సిందల్లా ఐక్యత మాత్రమేనని పేర్కొన్నారు. మరి రాహుల్ హితబోధనలు కర్ణాటక కాంగ్రెస్ నాయకులకు ఎక్కుతాయో లేదో చూడాలి.