Posted: 06/01/2012 09:23 PM IST

అక్రమాస్తుల కేసులో అరెస్టు అయిన వైయస్సార్ కాంగ్రెస్ పార్టీ అధ్యక్షుడు జగన్ కి సీబీఐ కోర్టులో చుక్కెదురైంది. అరెస్ట్ అయినప్పటి నుండి బెయిల్ కోసం ప్రయత్నిస్తున్న విషయం తెలిసిందే. ఆయన వేసిన బెయిల్ పిటీషన్ ని తిరస్కరించింది, అంతేకాకుండా ఆయన ఎంపీ అయినంత మాత్రాన బెయిల్ మంజూరు చేయలేమని తేల్చి చెప్పింది. అలాగే ఆయన వేసుకున్న మధ్యంతర బెయిల్ పిటీషన్ ని త్రోసి పుచ్చింది. కేసులో దర్యాప్తు పూర్తికాని తరుణంలో బెయిల్‌కు అవకాశం లేదని, ఎన్నికల ప్రచారంలో పాల్గొనేందుకు సమ్మతించబోమని కోర్టు స్పష్టం చేసింది. మరోపక్క జగన్ తరపున దాఖలైన స్క్వాష్ పిటిషన్‌పై వాదనలు ముగిశాయి. కస్టడీపై న్యాయమూర్తి నిర్ణయం ప్రకటించవలసి ఉంది. దీని పై జడ్జి తీర్పును పెండింగ్ లో ఉంచారు. రేపు మధ్యాహ్నాం తీర్పు వెలువరించనున్నారు. విజయసాయి రెడ్డి బెయిలు రద్దు చేయాలంటూ సీబీఐ దాఖలు చేసిన పిటిషన్‌పై తీర్పును రిజర్వ్‌ లో ఉంచారు.