Posted: 05/10/2012 09:08 PM IST

కాంగ్రెస్ పార్టీ నాయకుడు, రాజ్యసభ సభ్యుడు, తిరుపతి మాజీ శాసనసభ్యుడు చిరంజీవి నేడు ఢిల్లీలో జగన్ పై తీవ్ర స్థాయిలో విమర్శలు చేశారు. ఆయన విలేఖరులతో మాట్లాడుతూ వైయస్సార్ కాంగ్రెసు పార్టీ అధ్యక్షుడు వైయస్ జగన్ మోహన్ రెడ్డి ఎలాంటి వాడో ప్రజలకు తెలుసునని, ఆయన గురించి ప్రజలు ఇప్పుడిప్పుడే తెలుసుకుంటున్నారని అన్నారు. వచ్చే ఎన్నికలలో ప్రజలు జగన్మోహన్ రెడ్డికి గట్టిగా బుద్ధి చెబుతారన్నారు.

త్వరలో జరగనున్న పద్దెనిమిది అసెంబ్లీ, ఒక పార్లమెంటు నియోజకవర్గాలలో కాంగ్రెసు పార్టీ ఘన విజయం సాధిస్తుందని చెప్పారు. తెరవెనుక రాజకీయాలు ప్రజలకు తెలుసునని చెప్పారు. నేటి హీరో రేపటి విలన్ అన్నారు. రాజకీయాలు అంటే సినిమా కాదని అన్నారు. ప్రజలకు చిత్త శుద్ధితో సేవ చేసిన వాడే నాయకుడు అని తెర వెనుక రాజకీయాలు నడిపే వాడు నాయకుడు కాదని చిరంజీవి అన్నారు.