Posted: 05/02/2012 07:07 PM IST

ప్రపంచంలో అధిక మంది స్థూలకాయంతో బాధపడుతున్నారు. వారి బాధ అంతా ఇంతా కాదు. వారు తన బరువును తగ్గించుకోవడానికి పడరాని పాట్లు పడుతున్నారు. ఎక్స్ ర్ సైజులు, యోగా ఇంకా అనేక ఒబేసిటీ వైద్యాలు చేయించుకుంటున్నారు. అయినా అలా బరువు తగ్గినవారు చాలా తక్కువ. దీనికి విరుగుడు మన చేతిలోనే ఉందంటున్నారు వాషింగ్టన్ విశ్వవిద్యాలయ పరిశోధకులు.

రోజుకు తొమ్మిది గంటలకుపైగా సుఖ నిద్రే బరువు తగ్గడానికి దోహదం చేస్తుందట. మొత్తం 1088 మంది కవలలపై అధ్యయనంలో ఈ విషయం తేలిందట. ఈ జంటలలో ఏడు గంటలకన్నా తక్కువ నిద్రించేవారిలో సదరు జన్యువులు చురుగ్గా ఉంటే, తొమ్మిది గంటలకుపైగా నిద్రపోయేవారిలో వాటి పనితీరు మందగించినట్లు స్పష్టమైంది. ఏడు గంటల నిద్ర సదరు జన్యువులు వేగంగా పనిచేసే పరిస్థితి కల్పిస్తుంటే, 9 గంటలకుపైగా నిద్రవల్ల అవి నిద్రాణంగా ఉంటున్నట్లు ఆయన తెలిపారు. 'బరువు పెరగడంలో నిద్ర పాత్ర'పై తొలి పరిశోధన ఇదేనని దీనికి నేతృత్వం వహించిన డాక్టర్ వాట్సన్ పేర్కొన్నారు.