Posted: 04/29/2012 02:34 PM IST

       ఆపరేషన్ ఆకర్ష్ లో భాగంగా వైఎస్సార్ కాంగ్రెస్ పార్టీ అధ్యక్షుడు కడప ఎంపీ వైఎస్ జగన్ సతీసమేతంగా ఆదివారం ఉదయం సినీనటుడు మోహన్‌బాబు నివాసానికి వెళ్లారు. ఇటీవలే కవలలకు జన్మనిచ్చిన సోదరి వెరొనికను జగన్ పలకరించి, పలు కీలక అంశాలపై  మోహన్ బాబుతో సుమారు 15 నిమిషాలపాటు ఏకాంతంగా మాట్లాడారు.  ప్రస్తుత రాజకీయ పరిస్థితులపై వీరిద్దరు చర్చించుకున్నట్టు తెలుస్తోంది. ఈ సందర్భంగా మోహన్ బాబును జగన్ పార్టీలోకి ఆహ్వానించినట్టు సమాచారం.
       అయితే మోహన్ బాబు మాత్రం జగన్ కేవలం బంధువుగానే తన ఇంటికి వచ్చారని చెప్పారు. విష్ణు భార్య వెరోనిక ఇటీవలే కవల పిల్లలకు జన్మనిచ్చిందని..తమ బంధువైన జగన్ వారిని చూసేందుకు వచ్చారని మోహన్ బాబు చెప్పారు. ఇంతకంటే ఎక్కువ విషయాలు ఇప్పుడు చెప్పలేనని... సమయం వచ్చినపుడు మిగతా విషయాలు చెబుతానన్నారు. మోహన్ బాబు టీడీపీలో చేరుతున్నారన్న వార్తలు వస్తున్న నేపథ్యంలో జగన్ ఆయన్ను కలవడంపై రాజకీయ వర్గాల్లో తీవ్ర చర్చ జరుగుతోంది.

...avnk