Posted: 04/26/2012 10:19 PM IST

                 త్వరలోనే రాజ్యసభ ఎంపీ.. మెగాస్టార్ చిరంజీవిని కేంద్రమంత్రి పదవి వరించే సూచనలు కనిపిస్తున్నాయి. ఈ మేరకు హస్తినలో వార్తలు వెలువడుతున్నాయి. ఇవాళ ఢిల్లీ లో సోనియాను చిరు కలిసారు. వీరి మధ్య దీనికి సంబంధించి చర్చ జరిగినట్టు తెలుస్తోంది. అయితే చిరు మాత్రం అధిష్టానం తనకు ఏ బాధ్యత అప్పగించినా నిర్వర్తిస్తానని అంటున్నారు.  కొద్దిసేపటిక్రితం పార్టీ అధినేత్రి సోనియా గాంధీతో అరగంట పాటు చిరు సమావేశమయ్యారు.
                భేటీ ముగిసిన తర్వాత ఆయన విలేకరులతో మాట్లాడారు. సమావేశంలో మంత్రి పదవి గురించి ప్రస్తావన రాలేదని, కేంద్ర మంత్రివర్గ విస్తరణ ఎప్పుడు ఉంటుందో తనకు తెలియదన్నారు. సచిన్ ను రాజ్యసభకు పంపడం గొప్ప విషయమన్నారు. ఉప ఎన్నికల్లో పార్టీ తరపున ప్రచారం చేస్తానని చెప్పారు. తమ ప్రభుత్వం చేపట్టిన అభివృద్ధి పనుల గురించి ప్రజలకు వివరిస్తానని చిరంజీవి అన్నారు.
ఇదిలా ఉండగా,  అసెంబ్లీ ఉప ఎన్నికల ప్రచారాన్ని రాజ్యసభ సభ్యుడు చిరంజీవి ఒంగోలు నుంచి ప్రారంభిస్తారని గ్రామీణాభివృద్ధి శాఖ మంత్రి డొక్కా మాణిక్యవరప్రసాద్ తెలిపారు

...AVNK