Posted: 04/22/2012 11:06 AM IST

              మద్దెల సూరి హత్యకేసులో ప్రధాన నిందితుడు భానుకిరణ్‌ సీఐడీ అధికారులు విచారిస్తున్నారు. నాలుగు ప్రత్యేక సీఐడీ బృందాలు భానుకు ప్రశ్నలు సంధిస్తున్నాయి. ప్రతిసారి నన్ను తిట్టేవారని, అందుకే సూరిని చంపాలని నిర్ణయించుకున్నానని భాను పోలీసులతో చెప్పాడు. నా తల్లిని, చెల్లిని దూషించినందుకే చంపానని పోలీసులతో తెలిపాడు. కోట్ల రూపాయలు సంపాదించుకున్నట్టు సూరి తనపై అనుమానం పెంచుకున్నాడని, అలాగే.. ప్రతిసారి తన పేరు ఉపయోగించుకుంటూ వ్యాపారాలు చేస్తున్నావని, సహచరుల ఎదుట బండబూతులు తిట్టేవాడని భాను అన్నాడు. డబ్బులు అయిపోవడంతో జహీరాబాద్‌కు వచ్చానన్నాడు.

              ఇదిలా ఉండగా, ఏడాదిన్నరగా తప్పించుకు తిరుగుతున్న భాను మెదక్‌ జిల్లా జహిరాబాద్‌ వద్ద పోలీసులకు దొరికిపోయాడు. భానును పట్టుకునేందుకు గతంలో రూ. 10 లక్షల రివార్డును సీఐడీ ప్రకటించింది. భాను నుంచి ఒక రివాల్వర్‌ను, ఫేక్‌ ఐడీఫ్రూప్‌లు, వాడని డెబిట్‌ కార్డులను పోలీసులు స్వాధీనం చేసుకున్నారు. భానుపై మొత్తం 15 కేసులు నమోదు చేసినట్లు సీఐడీ పోలీసులు తెలిపారు. హైదరాబాద్‌లో ఐదు కేసులు నమోదైనాయి. రాష్ట్రానికి చెందిన సమాచారాన్ని ఇంటర్‌నెట్‌లో చూసేవాడని సీఐడీ అధికారులు తెలిపారు. మారు పేరుతో డ్రైవింగ్‌ లైసెన్స్‌, పాన్‌కార్డ్‌, సిమ్‌కార్డ్‌ తీసుకున్నట్లు పోలీసులు తెలిపారు.

...avnk