Posted: 04/19/2012 08:34 PM IST

బుల్లి తెర ప్రేక్షకులను కౌన్ బనేగా కరోడ్ పతి ప్రోగ్రాం ద్వారా తనదైన శైలితో ఆకట్టుకున్న అమితాబ్ బచ్చన్ గత కొద్ది రోజులుగా అనారోగ్యంతో బాధపడుతూ అభిమానులకు దూరమైన విషయం తెలిసిందే. ఈ నేపథ్యంలో ఈయన కేబీసీ -6 కి అందుబాటులో ఉండక పోవచ్చునని వార్తలు వచ్చాయి. అయితే ఇప్పుడిప్పుడే కోలుకున్న అమితాబ్ మళ్ళీ బుల్లి తెర పై సందడి చేయబోతున్నారు.

కౌన్ బనేగా కరోడ్ పతి (కేబీసీ – 6) రియాలిటీ షోకి ఆయన ప్రయోక్తగా వ్యవహరించనున్నట్లు ఆయనే స్వయంగా వెల్లడించారు. ‘కేబీసీ-6’ కోసం సోనీ యాజమాన్యాన్ని కలిసానని, వారు కూడా దీనికి సుముఖంగా ఉన్నట్లు అమితాబ్ ట్విట్టర్ లో చెప్పాడు. దీనికి సంబంధించిన విషయాలు కూడా ఎప్పటికప్పుడు మీతో పంచుకుంటానని కూడా చెప్పడంతో అభిమానులు సంతోషం వ్యక్తం చేస్తున్నారు.