Posted: 04/13/2012 03:38 PM IST

పలువురు వీఐపీలతో తనకు సంబంధాలున్నట్టుగా బంజారాహిల్స్ పోలీసుల విచారణలో తారాచౌదరి అంగీకరించింది. విచారణలో ఆమె వెల్లడించిన వివరాలతో రూపొందించిన నేరాంగీకార పత్రాన్ని పోలీసులు మూడవ అదనపు చీఫ్ మెట్రోపాలిటన్ మేజిస్ట్రేట్ కోర్టుకు సమర్పించారు. దాని ప్రకారం.. బీఏ చదివిన తారాచౌదరి వెండితెరపై వెలిగిపోవాలన్న కోరికతో హైదరాబాద్‌కు వచ్చింది. మూడు సినిమాల్లో నటించింది. అయితే, సినిమాల్లో ఆశించిన బ్రేక్ రాకపోవటం, జల్సా జీవితానికి అలవాటుపడిపోవటంతో వ్యభిచారంలోకి దిగింది. మొదట్లో కృష్ణానగర్‌లో ఇల్లు అద్దెకు తీసుకుని వ్యభిచార కార్యకలాపాలు నిర్వహించింది. అప్పటినుంచే ఆమెకు సంపన్నులు, పోలీసు అధికారులు, వీఐపీలతో పరిచయాలు ఏర్పడ్డాయి. వీరిలో కొందరు నేరుగా తారాచౌదరి ఇంటికే వస్తే మరికొందరు ఆమెద్వారా అమ్మాయిలను పిలిపించుకునేవారు. దీనిని అవకాశంగా చేసుకున్న తారాచౌదరి రెండు స్పై కెమెరాలతో వారి రాసలీలలను రికార్డు చేసింది. ఆ తరువాత వాటిని అడ్డం పెట్టుకుని అవతలి వ్యక్తులకు ఫోన్లు చేసి బ్లాక్‌మెయిల్ చేసి డబ్బులు గుంజేది. తన వద్ద సెక్స్‌వర్కర్లుగా పనిచేసే అమ్మాయిలకు వారానికి పది వేల నుంచి పదిహేనువేల రూపాయలు ఇచ్చేదాన్నని తారాచౌదరి పోలీసుల విచారణలో వెల్లడించింది. అమ్మాయిలను తీసుకురావటంలో తనకు దుర్గావూపసాద్ సహకరించేవాడని తెలియజేసింది.