Posted: 03/26/2012 04:17 PM IST

తెలంగాణ రాష్ట్ర ఏర్పాటును కోరుతూ హన్మకొండలో యువకుని ఆత్మహత్య చేసుకున్న కొద్ది సేపటికే వనపర్తి పట్టణంలోని రాజివ్ చౌక్‌లో రాజమౌళి అనే యువకుడు తెలంగాణ రాష్ట్రం ప్రకటించాలని కోరుతూ ఒంటిపై కిరోసిన్ పోసుకుని నిప్పంటించుకునే ప్రయత్నం చేశాడు. ఇది గమనించిన స్థానికులు, యువకులు, విద్యార్థులు, జేఏసీ నాయకులు వారించి ఆసుపత్రికి తరలించారు. వరంగల్‌ జిల్లా హన్మకొండలో ఆటో డ్రైవర్‌ రాజమౌళి ఆత్మహత్య పట్ల తెరాస అధ్యక్షుడు కేసీఆర్‌ దిగ్భ్రాంతి వ్యక్తం చేశారు. రాజమౌళి కుటుంబ సభ్యులకు సానుభూతి తెలిపారు. తెలంగాణ కోసం ఆత్మహత్య చేసుకోవద్దని విద్యార్థులు, యువకులకు ఆయన విజ్ఞప్తి చేశారు.