Posted: 03/25/2012 01:37 PM IST

          తెలంగాణ అమరుడు బోజ్యానాయక్ అంతిమయాత్రలో తెలంగాణవాదుల, విద్యార్థుల ఆగ్రహం కట్టలు తెంచుకుంది. భోజ్యా భౌతికకాయాన్ని ఎంజిఎం ఆస్పత్రి నుంచి అమరవీరుల స్థూపం వరకు ఊరేగింపుగా తీసుకువెళ్లే సమయంలో పరిస్థితి చేయి దాటింది. వరంగల్ పోలీస్ హెడ్ క్వార్టర్స్ వద్ద ఎన్టీఆర్ విగ్రహంపై తెలంగావాదులు చెప్పులు, రాళ్లతో దాడి చేశారు. ఎంజీఎం సెంటర్‌లోని రాజీవ్ గాంధీ విగ్రహంపై కూడా దాడి చేశారు. ఎంపీ గుండు సుధారాణికి చెందిన సుప్రభ హోటల్‌పై రాళ్ల దాడి చేశారు. ఈ అంతిమ యాత్రలో టిఆర్ఎస్ నేత హరీష్ రావు, తెలంగాణ రాజకీయ జెఎసి చైర్మన్ కోదండరామ్, బిజెపి రాష్ట్ర అధ్యక్షుడు కిషన్ రెడ్డి తదితరులు పాల్గొన్నారు
              అంతేకాదు..వరంగల్‌కు చెందిన కాంగ్రెస్ నేతలు బసవరాజు సారయ్య, గండ్ర వెంకటరమణారెడ్డి, పొన్నాల లక్ష్మయ్య, టీడీపీ నేత ఎర్రబెల్లి దయాకర్‌రావు నివాసాలపై రాళ్ల దాడితో పాటు వారి ఫ్లెక్సీలను దహనం చేశారు. డీసీసీ కార్యాలయాన్ని మహిళలు ముట్టడించి రాళ్ల దాడి చేశారు. పలు చోట్ల తెలంగాణవాదులపై పోలీసులు లాఠీచార్జి చేశారు. లాఠీచార్జిలో పలువురి విద్యార్థులకు, మీడియా ప్రతినిధులకు గాయాలయ్యాయి. ఫలితంగా, వరంగల్‌లో ఉద్రిక్త పరిస్థితులు నెలకొన్నాయి

...avnk