Posted: 03/21/2012 12:17 PM IST

భారత అంతర్జాల ( ఇంటర్నెట్) ఆర్థిక వ్యవస్థ వేగంగా వ్రుద్ది చెందనుంది. 2016 కల్లా రూ. 10.8 లక్షల కోట్లకు చేరుతుందని బోస్టన్ కన్సల్టింగ్ గ్రూపు తన నివేదికలో పేర్కొనడం విశేషం. ఆ నివేదిక ప్రకారం భారత ఇంటర్నెట్ 2010లో మొత్తం ఆర్థిక వ్యవస్థలో రూ. 3.2 లక్షల కోట్ల వాటాను కలిగి ఉంది.. ఇది జీడీపీలో 4.1 శాతానికి సమానం. కాగా, ఇది 2016 నాటికి రూ. 10.08 లక్షల కోట్లకు వ్రుద్ది చెందుతుందన్నది ఆ కంపెనీ అంచనా. రాబోయే నాలుగేళ్లలో జి-20 దేశాల మొత్తం ఇంటర్నెట్ ఆర్థిక వ్యవస్థ విలువ 4.2 లక్షల కోట్ల డాలర్ల (రూ. 210 లక్షల కోట్లు) కు చేరుతుంది. 2010 లో దీని విలువ 2.3 లక్షల కోట్ల డాలర్లు ( రూ. 115 లక్షల కోట్లు) గా ఉంది. ఇంకా ఆ నివేదికలో ఏం చెబుతోందంటే.

జి20 దేశాల్లోనే రెండో వేగవంతమైన ఇంటర్నెట్ వ్రుద్ది (23%) ని భారత్ సాధించగలదని అంచనా. మిగతా దేశాలు సగటున 17.08 శాతం వ్రుద్దిని మాత్రమే నమోదు చేయవచ్చు.

అర్జైంటీనా 24.3% రష్యా 18.3%, మెక్సికో 15.6 శాతం చొప్పున ఇంటర్నెట్ ఆర్థికవ్యవస్థలో వ్రుద్దిని పొందగలవు.
ఆసక్తికరమైన అంశం ఏంటంటే.. ఇంటర్నెట్ రోజువారీజీవితంలో అత్యవసరం అయిపోయింది. ఎంతలా అంటే భారత్ ఆన్ లైన్ వినియోగదార్లలో 36 శాతం మంది ఇంటర్నెట్ ఉంటే చాలంట.. ఓ ఏడాది స్నానం చేయకుండా ఉండడానికి సిద్దపడుతున్నారు. 64% మంది చాక్లెట్ , 63% మంది కాఫీ, 70% మంది అల్కహాలును వదిలేస్తారట.
భారత్ లో ఇంటర్నెట్ అనేది ఎనిమిదో అతిపెద్ద రంగం. గనుల తవ్వకం కంటే ఇదే పెద్దది.