Posted: 03/19/2012 08:38 PM IST

           రాజ్యసభకు ఎంపిక కాబోతోన్న నేతలు తమ ఆస్తుల వివరాలను ఇవాళ తమ నామినేషన్‌ పత్రాలలో పొందుపరిచారు.  ఆయా అభ్యర్థులు వెల్లడించిన ప్రకారం వారి ఆస్తుల వివరాలు ఈ విధంగా ఉన్నాయి. కాంగ్రెస్‌ సభ్యుల ఆస్తుల వివరాలు మెగాస్టార్ గా వెండి తెరను ఏలి ప్రజారాజ్యం స్థాపన అనంతరం కాంగ్రెస్ నేతగా మారిన చిరంజీవి చరాస్తి రూ. 32 కోట్లు,  స్థిరాస్తి రూ. 65.5 కోట్లు కాగా,  14 కిలోల బంగారం, 179 క్యారెట్ల వజ్రాలు ఉన్నాయి.
          ఇక మిగతా కాంగ్రెస్ నేతల విషయానికి వస్తే,  రేణుకా చౌదరి చరాస్తి 11.30 కోట్లు, స్థిరాస్తి రూ. 42 కోట్లు,  రాపోలు ఆనంద భాస్కర్‌ చరాస్తి రూ. 80 వేలు, స్థిరాస్తి రూ. 6.50 లక్షలు,  పాల్వాయి గోవర్ధన్‌రెడ్డి చరాస్తి 2.78 లక్షలు, స్థిరాస్తి రూ. 2.10 కోట్లుగా ఉంది. 
           టీడీపీ సభ్యుల ఆస్తుల వివరాలు ఈ విధంగా ఉన్నాయి సీఎం రమేష్‌ చరాస్తి రూ. 149 కోట్లు స్థిరాస్తి రూ. 58 కోట్లు కాగా, 5.50 కిలోల బంగారం కలిగి ఉన్నారు. దేవేందర్‌ గౌడ్‌ చరాస్తి రూ. 12 కోట్లు, స్థిరాస్తి రూ. 26 కోట్లు కాగా, 2 కిలోల బంగారం కలిగి ఉన్నారు.

...avnk