Posted: 03/16/2012 04:14 PM IST

స్వలింగ సంపర్కం గురించి గత కొన్ని రోజులుగా మన దేశంలో ప్రకంపనలు చెలరేగుతూనే ఉన్నాయి. కొన్ని రోజుల క్రితం స్వలింగ సంపర్కం నేరం కాదంటూ ఢిల్లీ హైకోర్టు తీర్పునిచ్చింది. దీనిని సవాల్ చేస్తూ యోగా గురు రాందేవ్ బాబా, బీజేపీ సీనియర్ నేత బీపీ సింఘాల్‌తో పాటు.. ఆలిండియా ముస్లిం పర్సనల్ లా బోర్డ్, ఉత్కళ్ క్రిస్టియన్ కౌన్సిల్ వంటి సంస్థలు సుంప్రీం కోర్టును ఆశ్రయించిన విషయం తెలిసిందే.

వీరు వేసిన పిటీషన్ పై సుప్రీం కోర్టులో విచారణ జరుతుండగా... కోర్టులో ఓ సంఘటన చోటు చేసుకుంది. ఆ కేసును విచారిస్తున్న న్యాయమూర్తుల పేరు మీద అమెరికా నుండి స్వలింగ సంపర్కానికి వస్తువులు పార్సిల్ చేశారు. ఆ బాక్సులో ఈ కేసుకు సంబంధించిన పరికరాలు ఉన్నాయని జీఎస్ సింఘ్వీ చెప్పారు. కాగా.. స్వలింగ సంపర్కం అనేది మానసిక, మనస్తత్వ పరమైన వ్యాధి కాదని.. అదొక సహజసిద్ధమైన శృంగార ప్రక్రియ అని 'గే రైట్స్' ఉద్యమకారులు సుప్రీంకోర్టుకు విన్నవించారు. ఈ సంఘటనతో న్యాయవాదులు ఒక్కసారిగా షాక్ తిన్నారు.