Posted: 03/16/2012 01:41 PM IST

రాజకీయ నాయకులు ఓట్ల కోసం చేసే ఫీట్లు అన్నీ ఇన్నీ కావు. ప్రజలను ఆకర్షించవడానికి వారు ఏ పనికైనా సిద్దపడతారు. సీపీఐ నాయరాణ అయితే వింత వింత పనులు చేసి ప్రజల మన్ననలు పొందాడు. తాజాగా సీపీఎం రాఘవులు కూడా ప్రజల కోసం కొద్ది సేపు వ్యాపారిగా మారాడు.

సీపీఎం రాష్ట్రకార్యదర్శి రాఘవులు విశాఖపట్నం సీతమ్మధార రైతు బజార్ లో గిరిజనులకు మద్దతుగా చింతపండు అమ్మి హల్ చల్ చేశాడు. అటవీ ఉత్పత్తులకు ధర నిర్ణయించడంలో సహకార సంస్థ (జీసీసీ) అన్యాయంగా వ్యవహరిస్తోందని  గిరిజనులకు మద్దతు ధర కల్పించాలని ఆయన ప్రభుత్వాన్ని డిమాండ్ చేశారు. పోయిన సంవత్సరం కిలో చింతపండు 22 రూపాయలకు కొన్న జీసీసీ ఈ సంవత్సరం 15 రూపాయలకు కొనడం అన్యాయం అని ఆయన అన్నారు. మరి ప్రజల్లో అంతంత మాత్రం ఇమేజ్ వున్న రాఘవులు నాయరాయణ లాగా వింత వింత పనులు చేస్తేనే పలుకుబడి పెరుగుతుందని భావించే ఈ పని చేశాడని అక్కడున్న నాయకులు అనుకున్నారట.