Posted: 03/02/2012 10:57 AM IST

మంగళవారం సమ్మె జరుగుతున్న సమయంలో పశ్చిమబెంగాల్ జాదవ్ పూర్ లో తృణమూల్ కాంగ్రెస్ మద్దతుదారులు సిపిఎమ్ కార్యాలయంమీద దాడి చేస్తున్న ఘటన ను కవర్ చేస్తున్న మీడియా ప్రతినిధుల మీద దాడి జరిగిన కేసులో పోలీస్ కాన్ స్టేబుల్ ని సస్పెండ్ చేసారు. ఈ ఘటనను పశ్చిమ బెంగాల్ గవర్నర్ ఎమ్ కే నారాయణన్ ఖండించగా, అంతా నాటకం భూటకం జర్నలిస్ట్ లు అబద్ధాలాడుతున్నారు అంటూ ముఖ్యమంత్రి మమతా బెనర్జీ కొట్టిపారేస్తున్నారు.

గవర్నర్ నారాయణన్ ఈ సంఘటన మీద మాట్లాడుతూ జర్నలిస్ట్ లను ఎందుకు కొట్టటం. అది కూడా బంద్ రోజుల్లోనే ఎందుకు జరుగుతుంది. అసలెవరినైనా కొట్టటం ఎందుకు అని అంటూ, జర్నలిస్ట్ ల దెబ్బల మనమీద కూడా పడుతుంటాయనుకోండి అని నవ్వుతూ అన్నారు. స్వేచ్ఛాస్వాతంత్రాలనున్న మనదేశంలో వాళ్ళకి కావలసిన సంఘటనలను వాళ్ళు చూసే హక్కు ఎవరికైనా ఉంది- అది కూడా దెబ్బలు తినకుండా అని గవర్నర్ అన్నారు. అలాగే మొన్న మమతా బెనర్జీ మేనల్లుడు పోలీస్ ఆఫీసర్ మీద చెయిచేసుకోవటాన్ని కూడా తప్పు పడుతూ హింసకు దిగటం తప్పు అందునా యూనిఫాంలో విధుల్లో ఉన్న పోలీసుల మీద అని గవర్నర్ అన్నారు.

ముఖ్యమంత్రి మమతా బెనర్జీ మాత్రం జర్నలిస్ట్ లు అసత్యాలాడుతున్నారు, ఒట్టిగానే అంతా నాటకం ఆడినట్టుగా చేసారు అని ఆరోపించారు. బంద్ లు సమ్మెల వలన ఏ ప్రయోజనం లేదని చెప్తూ బంద్ కి ముందు రోజు మమతా ప్రకటననిచ్చారు. ఎవరినీ బలవంతంగా సమ్మెలో భాగం వహించేట్టుగా చెయ్యవద్దు, ఎవరి పనులకూ ఆటంకాలు కలిగించవద్దు, రాష్ట్రంలో శాంతిభద్రతలుండాలంటూ మమతా బెనర్జీ పిలుపునిచ్చారు. బంద్ తర్వాత రోజు కూడా రాష్ట్రంలో బందేమీ లేదన్న సంకేతాన్నిచ్చారామె. ఈ నేపథ్యంలో గొడవలు జరుగుతున్నట్టుగా చిత్రీకరించటం ఆమెకు ఆగ్రహాన్ని తెప్పించిందనటంలో సందేహం లేదు.

జర్నలిస్ట్ ని చితకబాదిన మిగతా వాళ్ళెవరి మీదా ఏమీ పడలేదు కానీ కాన్ స్టేబుల్ తారక దాస్ మాత్రం సస్పెండ్ అయ్యాడు.

-శ్రీజ