Posted: 02/11/2012 07:19 PM IST

2జి కుంభకోణంలో 122 టెలికాం లైసెన్స్ లను సుప్రీం కోర్టు రద్దు చెయ్యటంతో దాని ప్రభావం దేశంలోని టెలికాం సేవల మీద ఎలా ఉంటున్నది చర్చించటానికి ఈ రోజు ప్రధాన మంత్రి మన్మోహన్ సింగ్ సంబంధిత ప్రముఖ నాయకులతో సమావేశమయ్యారు. ఆర్థిక మంత్రి ప్రణబ్ ముఖర్జీ, హోం మంత్రి చిదంబరం, టెలికాం మంత్రి కపిల్ సిబాల్, న్యాయశాఖా మంత్రి సల్మాన్ ఖుర్షీద్, అటర్నీ జనరల్ జిఇ వహన్వతి, టెలికాం కార్యదర్శి ఆర్ చంద్రశేఖర్ హాజరైన ఈ సమావేశంలో ఏదో నిర్ణయాలు తీసుకోవటానికి కాదని, కేవలం కోర్టు ఇచ్చిన తీర్పు వలన సమచార విభాగంలో రాబోయే మార్పుల గురించి మిగతా మంత్రులకు తెలియజేయటానికే నని కపిల్ సిబాల్ మీడియా ప్రతినిధులతో అన్నారు. సుప్రీం కోర్టు ఇచ్చిన తీర్పుని సూక్ష్మంగా పరిశీలించి, దానివలన భవిష్యత్తులో కలుగబోయే పరివర్తనలు, భావి ప్రణాళికలను సమాచార కార్యదర్శి చాలా బాగా ప్రెజెంట్ చేసారని సిబాల్ చెప్పుకొచ్చారు. ముఖ్యంగా విదేశ సంస్థలు పెట్టుబడులు పెట్టి ఇప్పుడు లైసెన్స్ లు రద్దవటంతో వారి పెట్టుబడులను పరిరక్షించమని ప్రభుత్వం మీద ఒత్తిడి తెస్తున్నాయి.

-శ్రీజ