Posted: 01/30/2012 12:08 PM IST

జూనియర్ డాక్టర్లను ఉద్దేశించి బీహార్ వైద్యశాఖమంత్రి అశ్విని కుమార్‌చౌబే చేసిన వ్యాఖ్యలు వివాదాస్పదమవుతున్నాయి. స్టైపెండ్ పెంచాలంటూ ఈ నెల నుంచి 31 నుంచి జూనియర్ డాక్టర్లు సమ్మెబాట పట్టనున్నారు. ‘‘ ఆసుపత్రుల్లో వైద్యసర్వీసులకు అంతరాయం కలిగించే దమ్ము ఎవరికి ఉంది? నేను దీనికి అనుమతించను. కఠినమైన చర్యలు తీసుకునే అవకాశముంది. అవసరమైతే డాక్టర్ల చేతులను నరకడానికి కూడా వెనుకాడం’’అని అన్నారు. ఈ వ్యాఖ్యలను ఇండియన్ మెడికల్ అసోసియేషన్ ఖండించింది. దీంతో మంత్రి వివరణ ఇచ్చారు. తన ఉద్దేశం అదికాదని చెప్పారు. సమ్మెకు దిగనున్న డాక్టర్ల డిగ్రీలు రద్దు చేస్తానని హెచ్చరించినట్టు తెలిపారు.