Posted: 01/19/2012 03:54 PM IST

టీడీపీ ఉపాధ్యక్షుడు సి.ఎం.రమేష్ సైతం ఆజాద్‌తో భేటీ అయినట్లు తెలుస్తోంది. ఆయన సైతం పోలవరం టెండర్లపైనే ఆజాద్‌తో చర్చించినట్లు సమాచారం. గతంలో పోలవరం ప్రాజెక్టుకు నిర్వహించిన టెండర్లలో సీఎల్ రాజం, సీఎం రమేష్‌లు పోటీపడగా... నమాస్తే తెలంగాణ పత్రిక యజమాని రాజం టెండర్లను దక్కించుకోవడం తెలిసిందే. ఈ నేపథ్యంలో వీరు ఆజాద్‌ను కలవడం ప్రాధాన్యం సంతరించుకుంది. అధికారంలో ఉన్న ప్రభుత్వంతో, ఆ పార్టీ పెద్దలతో ప్రతిపక్ష నేతలు కానీ, ఇతర నేతలు కానీ భేటీ కావొచ్చని మంత్రి టీజీ వెంకటేష్ అన్నారు. ఆయన ఢిల్లీ భవన్‌లో విలేకరులతో మాట్లాడారు. నమస్తే తెలంగాణ పత్రిక సీఎండీ, పోలవరం టెండర్లు దక్కించుకున్న సూ కంపెనీ డెరైక్టర్ రాజం.. రాష్ట్ర కాంగ్రెస్ వ్యవహారాల ఇన్‌చార్జి ఆజాద్‌తో జరిపిన భేటీలో ప్రత్యేకత ఏమైనా ఉందా? అని అడిగిన ప్రశ్నకు మంత్రి ఇలా స్పందించారు. అధికారంలో ఉన్నవారితో వివిధ అవసరాలకోసం కలవడం సహజమేనన్నారు. టీఆర్‌ఎస్ ఎప్పటికైనా కాంగ్రెస్‌లో కలవడం ఖాయమని అభిప్రాయపడ్డారు.