Posted: 12/21/2011 03:41 PM IST

తన ఇంటి పేరు నే కలం పేరు గా మార్చుకుని, తెలుగు సినిమా చరిత్ర లోనే మరచిపోలేని రచయితగా, నిర్మాతగా, ముక్కుసూటి మనిషిగా గుర్తింపు పొందిన 'మల్లెమాల' ఈ వారం మన లెజెండ్స్ అఫ్ ఇండియన్ సినిమా.

తను తీసిన ప్రతి సినిమా లో సమాజానికి ఉపయోగపడి, సినిమా చూసిన వాళ్ళని ఆలోచింపచేసే అంశం ఖచ్చితంగా ఉండేలా తపన పడ్డ అతి తక్కువ నిర్మాతల్లో ఒకరు యమ. యస్. రెడ్డి. మూడు దశాబ్దాలకు పైగా తెలుగు చిత్రసీమలో కొనసాగుతూ ఎన్నో సినిమాలు నిర్మించిన ఈయన, తన సినిమా లాభాల్లో తీలినా, నష్టాలలో మునిగినా, సినిమా తీయడంలో తన పంధాని మాత్రం మార్చుకోలేదు.

తన సొంత ఊరు లో ధియేటర్ యజమానిగా సినీ ప్రస్థానాన్ని ఆరంభించిన 'మల్లెమాల', వ్యాపార లావాదేవీల నిమిత్తం మద్రాస్ కి వెళ్ళినప్పుడు, ఒకానొక ధియేటర్ లో అప్పటి హీరోయిన్ జయలలిత నటించిన సినిమా చూసినప్పుడు, ఆమె తేరా పై రాగానే ధియేటర్ లో ఉన్న జనాల కేరింతలు చూసి, ఆ తమిళ్ సినిమా ని తెలుగు లో అనువదించి విడుదల చెయ్యాలన్న ఆలోచన నే నిజం చేసుకుని, నిర్మాతగా తొలి అడుగులు వేసారు. అసలు రెడ్డిగారు అనువదించి విడుదల చెయ్యాలనుకున్న ఈ సినిమా హక్కుల కోసం, యన్.టీ.ఆర్ వంటి హీరోలు పోటీ పడ్డారట. కాని, ఇరవై వేలు విలువ చేసే ఈ సినిమా హక్కులని అరవై వేలకు కొనుక్కొని, సినిమాని తెలుగు లో అనువదించి, 'కన్నె పిల్ల' గా విడుదల చేసి, మూడు లక్షలకు పైగా లాభం సంపాదించారు, 'మల్లెమాల'.

నిర్మాతగా మారిన రెడ్డిగారికి ఎన్నో ఎదురుదెబ్బలు. నిర్మాతగా తొలి దశల్లో ఆయన తెలుగులో నిర్మించిన 'భార్య', 'శ్రీ కృష్ణ విజయం', 'ఊరికి ఉపకారి' వంటి ఎన్నో సినిమాలు మంచి కధాంశం ఉన్నవిగా గుర్తింపు పొందినా, కమర్షియల్ పరంగా విజయం సాధించలేక పోయాయి. 'నిర్మాత అనేవాడు, తను తీసే ప్రతి సినిమా సమాజానికి ఉపయోగ పడేవిధంగా ఉండాలి, సమాజంలో ఉన్న చెడుని, అది చేసే హానిని వీలెత్తి చుబించే విధంగా ఉండాలి, ఇది ప్రతీ నిర్మాత కనీస బాధ్యాత' అని నమ్మిన 'మల్లెమాల', ఎన్ని ఆటంకాలు ఎదురైనా తను నమ్మిన సూత్రాన్ని మాత్రం విడువలేదు. తన కుమారుడు, శ్యాం ప్రసాద్ రెడ్డి నిర్మాతగా వ్యవహరిస్తూ తీసిన 'అంకుశం', 'అమ్మోరు', 'అరుంధతి', వంటి ఎన్నో సినిమాల విజయం, యమ.యస్. ఆర్ట్స్ బ్యానర్ని గుర్తిమ్పచేసేవె.

డిసెంబర్ పదకొండున కాలం చేసిన రెడ్డిగారు, తన చివ్వరి రోజుల్లో కూడా, చిత్ర నీమలో తనకి ఎదురైన అనుభవాలని 'ఇది నా కధ' పీరిట ఆవిష్కరించి, నిర్మొహమాటంగా ఎందరో దర్శకులు, నిర్మాతలు, హీరోల గురించి తనకి ఎదురైన అనుభవాలని రాసారు. ఒక విధంగా చిత్రసీమలో అభ్యంతరకరంగా మారిన ఈ పుస్తకాన్ని తరువాత విడుదల చెయ్యడం ఆపేశారు.

తన ఆలోచనని, భావాన్ని నిరభ్యంతరంగా చెప్పే ముక్కుసూటి మనిషిగా, నిర్మాతల శ్రేయస్సు కోసం స్లాబ్ విధానం నిర్మూలంకై తన వంతు పోరాటం చేసిన నిర్మాతగా, 'మల్లెమాల' ఎప్పటికీ సుపరిచితం.
క్రమశిక్షణకి మారుపేరైన 'మల్లెమాల' తను ధియేటర్ యజమానిగా ఉన్నప్పుడు ఎదుర్కున్న సంఘటన వివరించడంతో, ఈ వారం 'లెజెండ్స్ అఫ్ ఇండియన్ సినిమా' ని ముగిద్దాం.

ఆ రోజుల్లో ప్రభుత్వం వారు సినిమా ప్రదర్శించే ముందు, ప్రతీ ధియేటర్ లో వేయాలని 'నో స్మోకింగ్' స్లయిడ్స్ ని పంపేవారు. అవే రెడ్డిగారి ధియేటర్ లో కూడా వెయ్యడం జరిగింది. ఈ సమయంలో, ఆ ఊరి సుబ కలెక్టర్ టికెట్ లేకుండా సినిమా చూసేందుకు రావడమే కాకుండా, ధియేటర్లో ధూమపానం చేయసాగారు. అప్పుడా సుబ కలెక్టర్ తో రెడ్డిగారు 'అయ్యా, నీనైతే పెద్దగా చదువుకోలేదు. మీరు మీ తల్లి దండ్రుల సొమ్ము తో చదువుకుని, ప్రభుత్వ ఉద్యోగంలో ఉన్నారు. ప్రతీ నేలా మీరందుకునే జీతం ప్రజల సొమ్ములో భాగమే. ఇలాంటి మీరే, టికెట్ లేకుండా సినిమా చూడటమే కాకుండా, ఇలా ధియేటర్ లో ధూమపానం చెయ్యడం ఎంతవరకు సరి? ఇక నుండి మీకు సినిమా చూడాలనిపించినప్పుడల్లా నాకు చెప్పండి. నేనే వచ్చి, టికెట్ కొని మీకు సినిమా చూపిస్తాను', అని అన్నారు.

రెడ్డిగారి ఈ మాటలు, ఆ సబ్ కలెక్టర్ పై తీవ్ర ప్రభావం చూపాయి. ఆయన రెడ్డి గారి తో 'సర్, ఇన్నేళ్ళ నా జీవితం లో నేను నీర్చుకున్నదంతా ఒక ఎత్తయితే, ఈ రోజు మీ వాళ్ళ నేను నేర్చుకున్నది ఎంతో. మీరే నా గురువు అని', ఆ తరువాతి నుండి తన పదవిని ఎప్పుడూ దుర్వినియోగం చెయ్యలేదట. అంతటి క్రమశిక్షణ గల వ్యక్తీ యమ్. యస్. రెడ్డి.

ఆయన భౌతికంగా మన మధ్య లేకపోయినా, ఆయన సినిమాలు, కవితలు, వ్యక్తిత్వం ఎప్పటికీ మరచిపూలేనివి.

-సునయన వినయ్ కుమార్