Posted: 12/13/2011 08:28 PM IST

రాష్ట్ర రాజకీయంపై ఇంట్రెస్ట్ చూపించేందుకే  మెగాస్టార్ ఇష్టపడుతున్నారు. కేంద్రంలో మంత్రి పదవి తీసుకున్నా.. రాష్ట్రంపైనే ఫోకస్  చేసి కింగ్ అయ్యేదాక   మేకర్ పాత్ర పోషించేందుకే ప్లాన్  చేసుకుంటున్నారు.  భవిష్యతులో కూడా  తిరుపతిలో తన హవా కొనసాగేలా  ప్లాన్ చేస్తున్నారు. ఇందుకు చెర్రీ మ్యారేజ్  ఈవెంట్ను అనుకూలంగా  మలుచుకునేందుకు  సిద్దమవుతున్నారు చిరు. ప్రభుత్వన్ని పడగొడితే.. నిలబెడతానంటూ హామీ ఇచ్చిన అన్నయ్య మాట  నిలబెట్టుకున్నారు.  కీలక సమయంలో ప్రభుత్వాన్ని ఆపద్బాంధవుడిగా అవిశ్వాస తీర్మానంలో  పీఆర్పీ ఎమ్మెల్యేల అండతో  కిరణ్  సర్కార్ ను గట్టెక్కించారు. 

అప్పటి నుంచి ఆయన కాంగ్రెస్ లో సెంటరాఫ్ ఎట్రాక్షన్ .  కాంగ్రెస్ లో పిఆర్పీని  విలీనం చేసిన మెగాస్టార్ .. కింగ్  మేకర్  అన్న కీర్తి సంపాదించారు.  భవిష్యత్ లో కూడా అదే రేంజ్ లో ఉండేందుకు  ఉవ్విలూరుతున్నారు. పొలిటికల్ ఎంట్రితో  తిరుపతి  ఎమ్మెల్యే అయిన చిరంజీవి  కేంద్రంలో  బెర్తు కోసం ఎదురు చూస్తున్నారు. మార్చిలో  జరగబోయే రాజ్యసభ ఎన్నికల్లో  అన్నయ్యకు ఛాన్స్ ఇస్తారని ప్రచారం జరుగుతోంది.  అయితే  మారిన రాజకీయ  సమీకరణాల నేపథ్యంలో  ఢిల్లీకి వెళ్ళినా  రాష్ట్రంలో పట్టు కొల్పోకూడదని  వారి ఆలోచన.  కేంద్ర పదవి చేపడుతూనే.. రాష్ట్రంలో కింగ్ మేకర్ పాత్ర కంటిన్యూ చేయాలనేది  వారి వ్యూహంలా కనిపిస్తోంది.  టాలీవుడ్ లో  ఊపుమీదున్న చిరు కుమారుడు  చెర్రీ పెళ్లి రిసెప్షన్ తో  లోకల్  సెంటిమెంట్ ను  పొందలని  మెగాస్టార్ ప్లాన్ చేస్తున్నారు.