Posted: 12/03/2011 10:02 AM IST

దివంగత ముఖ్యమంత్రి వైయస్ రాజశేఖర్ రెడ్డి సతీమణి వైయస్ విజయమ్మ పులివెందుల అసెంబ్లీ నియోజక వర్గం నుండి ఎన్నికై ఇప్పటికీ 6 నెలలు కావస్తోంది. ఆమె ఇంత వరకూ ఒక్కసారి కూడా శాసనసభ సమావేశాలకు హాజరు కావాలేదు. పద్దతి ప్రకారం ఎవరైనా శాసనసభ్యులు వరుసగా ఆరు నెలలు అసెంబ్లీకి హాజరు కాని పక్షంలో వారి సభ్యత్వం రద్దయ్యే ఛాన్స్ ఉంది. ఈ నేపథ్యంలో ఆమె ఈ సమావేశాలకు హాజరు కాకుంటే ఆమెపై వేటు పడే అవకాశాలు ఉన్నాయి. దీంతో ఆమె శాసనసభ్యత్వాన్ని రద్దు చేసే అధికారం స్పీకర్‌కు ఉంటుంది.

ఈమె గత అసెంబ్లీ సమావేశాలకు కూడా హాజరు కాలేదు. ఈ సారి హాజరు అవుతారని అనుకున్నారు. కానీ సమావేశాలు ప్రారంభంమై రెండు రోజలు అయినా ఈమె అసెంబ్లీకి రాలేదు. ఈ సమావేశాలు ఇంకా రెండు రోజులే ఉన్నాయి. ఈ నేపథ్యంలో ఈమె అసెంబ్లీ సమావేశాలకు హాజరు అవుతారా లేదా అనే దానిపై ఉత్కంఠ నెలకొంది. ఆమెపై వేటు పడే అవకాశాలున్నందున శనివారం ఆమె అసెంబ్లీకి తప్పని పరిస్థితిల్లో హాజరు కావాల్సి ఉంది. పులివెందుల నియోజకవర్గం నుండి గెలిచిన విజయమ్మ ఈ సంవత్సరం జూన్ 3వ తారీఖున ఎమ్మెల్యేగా ప్రమాణ స్వీకారం చేశారు.