1. న భూమిర్న తోయం న తేజో న వాయుః

న ఖం నేంద్రియం వా న తేషాం సమూహః

అనేకాంతికత్వాత్సుషుప్త్యేకసిద్ధః

తదేకో వశిష్టః శివః కేవలో హమ్

2. న వర్ణా న వర్ణాశ్రమాచారధర్మా

న మే ధారణాధ్యానయోగాదయోపి

అనాత్మాశ్రయాహం మమాధ్యాసహానా-

త్తదేకో వశిష్టః శివః కేవలో హమ్

3. న మాతా పితా వా న దేవా న లోకా

న వేదా న యజ్ఞా న తీర్థ బ్రువంతి

సుషుప్తౌ నిరస్తాతిశూన్యాత్మకత్వా-

త్తదేకో వశిష్టః శివః కేవలో హమ్

4. న సాంఖ్యం న శైవం న తత్పాంచరాత్రం

న జైనం న మీమాంసకాదేర్మతం వా

విశిష్టానుభూత్యా విశుద్ధాత్మకత్వా-

త్తదేకో వశిష్టః శివః కేవలో హమ్

5. న చోర్ధ్వం న చాధో న చాంతర్న బాహ్యం

న మధ్యం న తిర్యన్న పూర్వా పరా దిక్

వియద్వ్యాపకత్వాదఖండైకరూపః

తదేకో వశిష్టః శివః కేవలో హమ్

6. న శుక్లం న కృష్ణం న రక్తం న పీతం

న కుబ్జం న పీనం న హ్రస్వం న దీర్ఘం

అరూపం తథా జ్యోతిరాకారకత్వా-

త్తదేకో వశిష్టః శివః కేవలో హమ్

7. న శాస్తా న శాస్త్రం న శిష్యో న శిక్షా

న చ త్వం న చాహం న చాయం ప్రపంచః

స్వరూపావబోధీ వికల్పాసహిష్ణుః

తదేకో వశిష్టః శివః కేవలో హమ్ 

8. న జాగ్రన్న మే స్వప్నకో వా సుషుప్తిః

న విశ్వో న వా తైజసః పాజ్ఞకో వా

అవిద్యాత్మకత్వాత్త్రయాణం తురీయః

తదేకో వశిష్టః శివః కేవలో హమ్ 

9. అపి వ్యాపకత్వాద్ధితత్వప్రయోగా-

త్స్వతః సిద్ధభావాదనన్యాశ్రయత్వాత్

జగత్తుచ్ఛమేతత్సమస్తం తదన్య-

త్తదేకో వశిష్టః శివః కేవలో హమ్

10. న చైకం తదన్యద్ద్వితీయం కుతః స్యాత్

న కేవలత్వం న చాకేవలత్వం

న శూన్యం న చాశూన్యమద్వైతకత్వా-

త్కథం సర్వవేదాంతసిద్ధిం బ్రవీమి