పిల్లి శకునం

Posted: 04/21/2016 01:48 PM IST

శుభకార్యాలకు వెళుతుంటే పిల్లి అడ్డం వస్తే పెద్దలు చేసే హడావిడి అంతా ఇంతాకాదు. విసుక్కోవడం సంగతి పక్న బెడితే అసలు కాలు ముందుకు కదపకుండా వెనక్కి తిరుగుతారు. నిజంగా.. పిల్లి మొహం చూస్తే పంచ మహా పాతకాలు చుట్టుకుంటాయా?

అసలు ఏ సాంప్రదాయం అయినా పూర్వీకులే కదా పెట్టారు? మరి ఈ పిల్లి శకునం వెనుక ఉన్న ఉద్దేశం ఏంటో తెలుసా?

పూర్వం ఒక ప్రదేశం నుండి ఇంకో ప్రదేశానికి ప్రయాణం చెయ్యాలి అంటే, ఎడ్ల బండి మీద, అడవుల గుండా ప్రయాణించాల్సి వచ్చేది. ఖచ్చితంగా ఈ క్రమంలో చీకటి పడేది... అప్పుడు ఈ పిల్లుల జాతికి చెందిన సింహాలు, పులులూ వంటివి ఎదురు పడేవి. వాటిని చూసి పాపం ఎడ్లు భయపడి ఆగిపోయేవి. అందుకే ఈ జాతికి చెందిన జంతువులు ఎదురుపడటం అపశకునంగా భావించేవారు. క్రమేణా ఈ వారసత్వం, పాపం పిల్లులు కూడా పుణికి పుచ్చుకోక తప్పలేదు.

అసలు ఇతర దేశాలలో, పిల్లులని పెంపుడు జంతువులుగా చేసుకుని పెంచుకునే వారు కోకొల్లలు. ఒకానొక పిల్లిగారు, ఒకానొక దేశానికి ప్రెసిడెంట్ కూడా అయ్యి కూర్చున్నారు గా...పిల్లులు కూడా ఇతర పెంపుడు జంతువుల వంటివే... అయినా మనిషికి కూడా సొంతం అవ్వని ఒక వరం, జంతువుల సొంతం. అదే ప్రక్రుతి వైపరిత్యాలు ముందే పసిగట్టి, మనిషిని కాపాడేందుకు, అరవడం, సురక్షిత ప్రాంతాలకు తరలిపోవడం.