తుఫాను ప్రభావం-కళ్లకు గంతలుకట్టుకున్న ఉద్యోగులు

Posted: 10/09/2013 08:22 PM IST

రాష్ట్ర విభజనను నిరసిస్తూ మద్దిలపాలెం ఆర్టీసీ డిపో కార్మికులు కళ్లకు గంతలుకట్టుకుని వినూత్న నిరసన తెలిపారు. ఈరోజు ఉదయం మద్దిలపాలెం సిటీ డిపో నుంచి జాతీయ రహదారి మీదుగా సత్యం కంప్యూటర్స్ కూడలి వరకు నిరసన ర్యాలీ కొనసాగింది. ఈ కార్యక్రమంలో 300 మంది కార్మికులు పాల్గొన్నారు.

 

బంగాళాఖాతంలో తుఫాను

బంగాళాఖాతంలో తుఫాను ఏర్పడనుంది. ఇది రానున్న రెండు రోజుల్లో ఉత్తర కోస్తా, ఒడిశా తీరాలను సమీపించనున్నది. ఉత్తర అండమాన్ సమీపంలో వాయుగుండం ఏర్పడింది. క్రమంగా ఇది తీవ్ర వాయుగుండంగా మారి, అనంతరం తుఫానుగా మారుతుందని భారత వాతావరణ శాఖ ప్రకటించింది. ఈనెల 10 నుంచి దీని ప్రభావం మన రాష్ట్రంపైనా ఉంటుందని అధికారులు అంచనా వేస్తున్నారు. 11 నాటికి కోస్తా తీరానికి సమీపించే ఈ తుఫానుతో రాష్ట్రంలో ఓ మోస్తరు నుంచి భారీ వర్షాలు నమోదయ్యే అవకాశాలున్నాయి.

 

సమైక్య సెగ

గన్నవరం ఎయిర్‌పోర్ట్ కు సమైక్య సెగ తాకింది. సీమాంధ్ర విద్యుత్ ఉద్యోగుల సమ్మె ప్రభావం ఈ విమానాశ్రయంపై పడింది. విమానాశ్రయానికి  విద్యుత్‌ సరఫరా నిలిచిపోవడంతో విమానాల రాకపోకలకు అంతరాయం ఏర్పడింది. మూడు జనరేటర్లతో విద్యుత్ సప్లై చేస్తున్నారు. జనరేటర్ల సహాయంతోనే విమానాల ల్యాండింగ్‌, టేకాఫ్‌లను నడిపిస్తున్నారు.