దీక్ష విరమించిన ఎమ్మెల్యే - పెరిగిన మ్రుతుల సంఖ్య

Posted: 08/28/2013 05:31 PM IST

Police stopped bheemili mla srinivas deeksha

సమైక్యాంద్రకు మద్దతుగా భీమిలి ఎమ్మెల్యే ఎం. శ్రీనివాసరావు నాలుగు రోజులుగా చేస్తున్న నిరవదిక దీక్షను ఈ రోజు విరమించారు. దీక్ష విరమించినా ఉద్యమాన్ని ఆపే ప్రసక్తేలేదని చెప్పారు. ఓట్లు, సీట్లు కోసం రాష్ట్ర విభజన చేయడం సరికాదన్నారు. ఒక పక్క న్యాయం చేసేందుకు మరో పక్క తీవ్ర అన్యాయం చేయడం దారుణమన్నారు.

14కు చేరిన మ్రుతులు

విశాఖ హెచ్ పీసీఎల్ లో ఈనెల 23న జరిగిన కూలింగ్ టవర్ అగ్ని ప్రమాదంలో తీవ్రంగా గాయపడి ఆసుపత్రిలో చికిత్స పొందుతున్న వారిలో ఈరోజు శ్రీనివాసరావు, క్రిష్ణ చందన అనే కార్మికులు మరణించారు. దీంతో ఈ ఘటనలో చనిపోయిన వారి సంఖ్య 14కు చేరింది.

భారీ వర్షం

విశాఖ జిల్లాలో ఉదయం నుంచి ఎడతెరపి లేకుండా భారీ వర్షం కురుస్తోంది. చత్తీస్ గడ్ నుంచి దక్షిణ తమిళనాడు వరకు ఉత్తరకోస్తా మీదుగా అల్పపీడన ద్రోణి కొనసాగుతోంది. అల్పపీడన ద్రోణి ప్రభావంతో ఉత్తరాంద్రలో పలుచోట్ల వర్షాలు కురిసే అవకాశముందని విశాఖలోని తుపాను హెచ్చరికలు కేంద్రం తెలిపింది. దక్షిణ ప్రాంత రాయలసీమ, తెలంగాణలో అక్కడక్కడ తేలికపాటి వర్షాలు కురిసే అవకాశముందని తుపాను హెచ్చరికల కేంద్రం తెలిపింది.