పోరాటం చేసింది కేసిఆరే :అశోక్‌బాబు

Posted: 08/21/2013 07:30 PM IST

సమైక్యం కోసమే మా ఉద్యమమని, ఉద్యమం ద్వారానే సమైక్యాంధ్రను సాధించుకుంటామని ఏపీ ఎన్జీవోల సంఘం అధ్యక్షుడు అశోక్‌బాబు పేర్కొన్నారు. ఈరోజు విశాఖలో సమైక్యరాష్ట్ర పరిరక్షణ వేదిక బహిరంగ జరిగింది. ఈ కార్యక్రమంలో పాల్గొన్న ఆయన మాట్లాడుతూ ఉద్యమం ద్వారానే అప్పుడు ప్రజలు స్వాతంత్య్రం సాధించారని, ఇప్పుడు సమైక్యం కోసం ఉద్యమం చేస్తున్నామని, సమైక్యాంధ్ర సాధిస్తామని, అప్పుడు స్వాతంత్య్ర ఉద్యమమం, ఇప్పుడు సమైక్య ఉద్యమమని ఆయన అన్నారు.

రాష్ట్ర విభజన పోరాటం చేసింది తెలంగాణ ప్రజలు కాదని, విజయనగరం జిల్లాలో పుట్టిన కేసీఆర్ తన స్వార్థం కోసం విభజన పోరాటం చేశారని అశోక్‌బాబు విమర్శించారు. హైదరాబాద్ అభివృద్ధి కోసం సీమాంధ్రలు రక్తం ధారపోశారని అశోక్‌బాబు పేర్కొన్నారు. రాష్ట్రాన్ని విభజన చేస్తే సీమాంధ్రలో కాంగ్రెస్‌ను భూస్థాపితం చేస్తామని అన్నారు. సమైక్యాంధ్రకు మద్దతుగా హైదరాబాద్‌లో 10 లక్షల మందితో మహాసభ నిర్వహించనున్నట్టు తెలిపారు. తెలంగాణవాదులు రవాణాను అడ్డుకుంటే కాలినడకనైనా వస్తారని చెప్పారు. హైదరాబాద్‌లో రక్షణ కల్పించాల్సింది సీమాంధ్రులకు కాదని, స్వార్థపూరిత ఆలోచనలున్న తెలంగాణా రాజకీయ నిరుద్యోగులకు మాత్రమేనని చెప్పారు.