దర్శకుడు పూరి ఇంట్లో సర్పంచ్ ఎన్నికల పోరు ?

Posted: 07/15/2013 12:58 PM IST

అసలే సినిమా షూటింగులతో బిజీగా ఉండే ప్రముఖ దర్శకుడు పూరి జగన్నాథ్ కు మరో టెన్షన్ వచ్చిపడింది. ఆయన గతంలోనే వైఎస్ఆర్ కాంగ్రెస్ పార్టీకి మద్దతు తెలిపిన విషయం తెలిసిందే. వైఎస్ఆర్ కుటుంబానికి దర్శకుడి పూరీ జగన్నాధ్ కుటుంబానికి సన్నిహిత సంబందాలు ఉన్నాయి. ఈ నేపథ్యంలోనే ఆయన కుటుంబం వైసీపీ మద్దతు ఇవ్వటం జరిగింది. అయితే జరుగుతున్న సర్పంచ్ ఎన్నకల పోరు ఇప్పుడు పూరి ఇంట్లో మొదలైంది. పూరి జగన్నాథ్ తల్లి పెట్ల సత్యవతి విశాఖపట్నం జిల్లా కోటవురట్ల మండలం బికె పల్లి సర్పంచ్ అభ్యర్థిగా వైయస్సార్ కాంగ్రెసు పార్టీ మద్దతుతో పోటీ చేస్తున్నారు. తన రెండవ కుమారుడు, నర్సీపట్నం నియోజకవర్గ వైయస్సార్ కాంగ్రెసు పార్టీ సమన్వయకర్త పెట్ల ఉమాశంకర్ గణేష్‌తో కలిసి వచ్చిన ఆమె శనివారం నామినేషన్ దాఖలు చేశారు. అమెకు వరుసకు కోడలు అయిన పెట్ల చిట్టి అనంతలక్ష్మి కాంగ్రెస్ పార్టీ మద్దతుతో సర్పంచ్ అభ్యర్థిగా ఇక్కడ పోటీలో ఉన్నారు. ఇక్కడ తెలుగుదేశం పార్టీ పోటీ చేయకుండా, కాంగ్రెస్ అభ్యర్థి చిట్టి అనంతలక్ష్మికి మద్దతు ఇస్తోంది. అత్తాకోడళ్ల మధ్య జరిగే ముఖాముఖి పోటీ ఆసక్తికరంగా మారనుంది. ఈరసవత్తమైన పోరులో పూరి దర్శకుడి పాత్ర పోషిస్తాడో, లేక ప్రేక్షుడి పాత్ర పోషిస్తాడో చూడాలి. అత్తా కోడళ్ల మద్య జరిగే పోరులో విజయం ఎవరిని వరిస్తుందో చూద్దాం.