గ్యాస్ ట్యాంకర్ బోల్తా? భయందోళనలో ప్రజలు

Posted: 07/10/2013 11:24 PM IST

జిల్లాలో యలమంచిలి జాతీయ రహదారిపై తెల్లవారుఝామున గ్యాస్ ట్యాంకర్ బోల్తా కొట్టింది. ఈ ప్రమాదంలో డ్రైవర్, క్లీనర్ గాయపడ్డారు. జాతీయ రహదారిపై ఈ ఘటన జరగడంతో రెండు గంటల పాటు భారీగా ట్రాఫిక్ స్థంభించింది. హెచ్ పి గ్యాస్ కు చెందిన ట్యాంకర్ విశాఖ నుంచి యలమంచిలి వెళ్తోంది. సెకిళ్లపాలెం వద్ద అదుపుతప్పి బోల్తా కొట్టింది. ట్యాంకర్ నుంచి గ్యాస్ లీకవుతుండడంతో భయందోళనకు గురైన స్థానికులు పోలీసులకు సమాచారం అందించారు. వెంటనే అక్కడి చేరుకొన్న పోలీసులు అగ్నిమాపక సిబ్బందితో కలిసి రక్షణ చర్యలు ప్రారంభించారు. గ్యాస్ లీకేజీని అదుపు చేసే పనిలో అధికారులున్నారు. నిద్రమత్తులో డ్రైవింగ్ చేయడం వల్ల ఈ ప్రమాదం జరిగిందని స్థానికులు పేర్కొంటున్నారు. గాయపడిన డ్రైవర్, క్లీనర్ లను స్థానిక ఆసుపత్రికి తరలించారు.