ఉత్తర కాశీలో చిక్కుకున్న విశాఖ వాసులు

Posted: 06/18/2013 01:42 PM IST

ఉత్తరాఖండ్ కు కాశీయాత్రకు మన రాష్ట్రం నుంచి 2వేల మంది భక్తులు బయులుదేరి వెళ్లినట్లు సమాచారం. అయితే ఉత్తరాఖండ్ వరదల కారణంగా రోడ్లలన్నీ జలమయం తో నిండిపోయాయి. వాహన రాకపోకలకు అంతరాయం ఏర్పాడటంతో అనేక మంది భక్తలు మార్గ మద్యలోనే చిక్కుకున్నారు. ఉత్తర కాశీలో చిక్కుకున్న తమ బంధువుల క్షేమ సమాచారాల కోసం విశాఖవాసులు ఎదురుచూస్తున్నారు. నగరంలోని ప్రముఖ పర్యాటక క్షేత్రమైన కైలాసగిరి ప్రధాన అర్చకుడు కాశీబాబు శర్మ దంపతులు, బంధువులు ఉత్తర కాశీకి 15 కిలోమీటర్ల వద్ద కొండ ప్రాంతంలో చిక్కుకున్నారు. తన తండ్రి నుంచి చివరిసారిగా సోమవారం సాయంత్రం 6 గంటలకు ఫోన్ కాల్ వచ్చిందని, ఆ తర్వాత వారి సమాచారం తెలియలేదని కాశీబాబు కుమారుడు కొత్త లంక అవినాస్ శర్మ తెలిపారు. తమ తల్లి దండ్రులతో పాటు, పిన్ని బాబాయ్ , అత్తయ్య, మామయ్య కూడా ఈ యాత్రకు వెళ్లారని చెప్పారు. ఈ నెల 4న విశాఖ నుంచి రైల్లో బయలుదేరి, అక్కడి నుంచి ట్రావెల్స్ బస్ లో ఛారదమ్ యాత్రకు వెళ్లారు. కేదార్ నాత్, బదరీనాథ్ , గంగోత్రీలలో యాత్రను పూర్తి చేసుకొని , యమునోత్రికి వెళ్తుండగా.. ఉత్తర కాశీకి 15 కిలో మీటర్ల దూరంలో భారీ వర్షాల కారణంగా కొండ ప్రాంతంలో చిక్కుకుపోయారు. తమవారికి తాగునీరు తిండి సదుపాయం గత మూడు రోజులుగా అందలేదని , ప్రభుత్వం ఇప్పటికైన తమ వారిని ఆదుకుని సురక్షిత ప్రాంతాలకు తరలించాలని బంధువులు కోరుతున్నారు.