Posted: 12/31/2012 05:55 PM IST

న్యూ ఇయర్ వేడుకలకు వైజాగ్ సిద్ధమైంది. అందమైన సముద్ర తీరంలో వెన్నెల వెలుగులను ఆస్వాదించుకుంటూ యువత ఎంజాయ్ చేయడానికి బాగా ఇష్టపడతారు. ఈ సంబరాలు జరుపుకోవటానికి సాగరనగరానికి జనం భారీగా క్యూకట్టారు. రిసార్ట్‌లన్నీ సెలబ్రిటీ ప్రోగ్రామ్స్‌తో రెడీ అయిపోయాయి. హోటళ్లన్నీ నో రూమ్స్ అన్న బోర్టులతో దర్శనమిస్తున్నాయ్.నూతన సంవత్సర వేడుకల్లో విశాఖది ప్రత్యేక స్థానం. సాగరనగరం కావడంతో న్యూఇయర్‌ను సెలబ్రేట్ చేసుకోవడానికి రాష్ట్రం నలుమూలలనుంచి విశాఖకు క్యూకడుతున్నారు. దానికి తగ్గట్లే హోటళ్లు, రిసార్టులన్నీ వినూత్న ప్రోగ్రామ్స్‌తో రారమ్మంటున్నాయి. ఇక ఆర్కే బీచ్ సంగతి వేరే చెప్పనక్కర్లేదు. గతేడాది వేడుకలకు లక్షన్నరమంది హాజరయ్యంటే.. పరిస్థితి ఏంటో అర్థం చేసుకోవచ్చు. ఈ సారి ఆ సంఖ్య రెండు లక్షలు దాటే అవకాశం ఉందని అంచనా వేస్తున్న నిర్వాహకులు అందుకు తగ్గట్లే ఏర్పాట్లు చేస్తున్నారు.ఇక వేడుకలకు విశాఖకు వచ్చే పర్యాటకులతో హోటళ్లన్నీ కిటకిటలాడుతున్నాయ్. రిసార్టులు, హోటళ్లు ఏర్పాటు చేసే ప్రోగ్రామ్స్‌లో పాల్గొనే యువత రాత్రి 12 కాగానే బీచ్‌కు చేరుకుని కేరింతలు కొడతారు. దీంతో సాగర పరిసర హోలళ్లకు గిరాకీ పెరిగిపోయింది. నగరంలో ఏ హోటల్ చూసినా నో రూమ్స్ అన్న బోర్టులతో దర్శనమిస్తున్నాయి.న్యూఇయర్ వేడుకలను క్యాష్ చేసుకోవడానికి హోటళ్లు రేట్లను అమాంతంగా పెంచేశాయ్. దీంతో రూమ్‌లు దొరక్క... దొరికినా అంత రేటు పెట్టలేక పర్యాటకులు ఇబ్బంది పడుతున్నారు.