Posted: 12/27/2012 07:43 PM IST

అందమైన నీలి సముద్రం.. ఉవ్వెత్తున ఎగిసిపడే కెరటాలు.. ఆహ్లాదకరమైన వాతావరణం.. కళ్లెదుటే సాక్షాత్కరించే పెద్ద పెద్ద నౌకలు. ఇవీ విశాఖ బీచ్‌లో కనిపించే అందమైన, అద్బుతమైన దృశ్యాలు.అయితే.. ఎంత అందంగా ఉన్నా.. ఏదో ఒక మచ్చ ఉంటుందన్నట్లు.. ఇంత అందమైన ప్రదేశంలో రాకాసిరాళ్లు పర్యాటకుల పాలిట యమపాశాల్లా మారాయి. రాళ్లపై నిలబడి ఫొటోలు తీసుకోవటం, కూర్చొని సేదతీరడం కోసం వాటిపైకి ఎక్కుతున్న సందర్శకులను అమాంతం పొట్టన పెట్టుకుంటున్నాయి.ఆర్.కె.బీచ్ ప్రాంతమంతా మొనదేలిన రాళ్లు, ఉవ్వెత్తున్న ఎగిసిపడే అలలతో అందంగా కనిపిస్తుంది. అలలతో ఆడుతూ, రాళ్లపై గెంతాలనుకునే పర్యాటకులు చిన్నపాటి నిర్లక్ష్యం వహిస్తూ ప్రాణాల మీదకు తెచ్చుకుంటున్నారు. ఒక్కసారిగా దూసుకొచ్చే కెరటాలను తప్పించుకునే ప్రయత్నంలో రాళ్లపై జారిపడి ప్రాణాలు కోల్పోతున్నారు.ఇలా ప్రతీ ఏడాది 50 నుంచి 60 మందికి పైగా ఇక్కడ ప్రాణాలు కోల్పోతున్నారు. ముఖ్యంగా సాగరతీరానికి తొలిసారిగా వచ్చే పర్యాటకులే రాకాసి రాళ్ల బారిన పడుతున్నారు. అందుకే పోలీసులు బీచ్‌కు వచ్చే సందర్శకులకు అవగాహన కల్పిస్తున్నారు.