Posted: 11/30/2012 03:27 PM IST

విశాఖ మన్యంలో కాశ్మీర్ వాతావరణాన్ని గుర్తుకు తెచ్చే లంబసింగికి పర్యాటక హంగులు కల్పించే అంశం అధికారుల పరిశీలనలో ఉంది. అత్యల్ప ఉష్ణోగ్రతల విషయంలో కాశ్మీర్‌తో పోటీపడే లంబసింగి ప్రాంతాన్ని పర్యాటకంగా అభివృద్ధిచేసేందుకు ఆ శాఖ అధికారులు ప్రయత్నాలు మొదలెట్టారు. హైదరాబాద్ నుంచి వచ్చిన టూరిజం శాఖ అధికారులు ఇటీవల లంబసింగిలో పర్యటించి ఇక్కడి సోయగాలను పరిశీలించారు. ఇక్కడ పర్యాటకులకు కల్పించాల్సిన సౌకర్యాలపై అధ్యయనం చేశారు. విశాఖ ఏజెన్సీ చింతపల్లి మండలంలోని లంబసింగి సముద్రమట్టానికి సుమారు 3,600 అడుగుల ఎత్తులో ఉంటుంది.

ఏజెన్సీ ముఖద్వారమైన డౌనూరు నుంచి సుమారు 20 కిలోమీటర్ల దూరం ప్రయాణిస్తే లంబసింగి వస్తుంది.ఈ మార్గమంతా కొండలు, దట్టమైన అడవుల గుండా సాగుతుంది. ఎన్నో మలుపులు తిరుగుతూ సాగే ఈ మార్గంలో ప్రయా ణం పర్యాటకులకు వింత అనుభూతిని పంచుతుంది. వేసవిలో కూడా చల్లగా ఉండే లంబసింగిలో శీతాకాలంలో అత్య ల్ప ఉష్ణోగ్రతలు నమోదువుతాయి. ఉద యం 10 గంటల వరకు దట్టంగా కమ్ముకునే పొగమంచు ఎన్నో అందాలను ఆవిష్కరిస్తుంది. మంచుతెరలను చీల్చుకుంటూ వచ్చే సూర్యకాంతి పరవశింపజేస్తుంది. తాజంగి రిజర్వాయర్ , వలిసెపూ ల అందాలు చూపరులను కట్టి పడేస్తే, అక్కడక్కడ ఉన్న జలపాతాలు, దట్టమైన అడవులు అద్భుతమైన అనుభూతులను పంచుతాయి.

ఈ సోయగాలను తిలకించడానికి లంబసింగికి రాష్ట్రంలోని వివిధ ప్రాంతాల నుంచి పర్యాటకులు పెద్ద ఎత్తున వస్తున్నారు. అయితే ఇక్కడ బస చేయడానికి కనీస సౌకర్యాలు లేకపోవడంతో తీవ్ర ఇబ్బందులు ఎదుర్కొంటున్నారు. లంబసింగి ప్రాంతాన్ని పర్యాట కంగా అభివృద్ధి చేసే విషయంపై మంత్రి బాలరాజు కూడా దృష్టి సారించారు. టూరిజం శాఖ అధికారులు ఇక్కడ పర్యటించి , సౌకర్యాలు కల్పనకు ప్రణాళికలు రూపొందిస్తున్నారు.