మంచు విష్ణు

Posted: 04/02/2015 06:41 PM IST

‘విష్ణు’ సినిమాతో టాలీవుడ్ కి పరిచయమైన కలెక్షన్ కింగ్ మోహన్ బాబు తనయుడు మంచు విష్ణు.. ఆ సినిమాతోనే ఘనవిజయం సాధించాడు. ఇక ఆ తర్వాత వైవిధ్య కథలను ఎంచుకుంటూ తన సినీ ప్రస్థానాన్ని కొనసాగించాడు. అయితే.. అంతవరకు ఈ నటుడుకి అంత పెద్ద విజయం దక్కలేదు కానీ.. ‘ఢీ’ సినిమాతో తనకంటూ ప్రత్యేక గుర్తింపు తెచ్చుకున్నాడు. యాక్షన్, కామెడీ, ఫ్యామిలీ ఎంటర్ టైనర్ తో వచ్చిన ఆ మూవీ అన్నిరంగాల ప్రేక్షకులను బాగా అలరించడంతో విష్ణు కెరీర్ మలుపు తిరిగింది. ఇక అప్పటినుంచి ఆ తరహాలోనే కథాచిత్రాలను చేసుకుంటూ సక్సెస్ ఫుల్ హీరోగా కొనసాగుతున్నాడు.

ఇదిలావుండగా.. ప్రస్తుతం విష్ణు ‘డైనమైట్’ చిత్రంలో నటిస్తున్న విషయం తెలిసిందే! శరవేగంగా షూటింగ్ జరుపుకుంటున్న ఈ చిత్రం అప్పుడే క్లైమాక్స్ దశకు చేరుకుంది. దేవకట్టా దర్శకత్వంలో రూపొందుతున్న ఈ చిత్రంలో జేడీ చక్రవర్తి ప్రత్యేక పాత్రలో నటిస్తున్నాడు. ఇక విష్ణు సరసన ఇందులో కథానాయికగా నటిస్తోంది. ఈ సినిమాలో ఇంతవరకు ఎన్నడూలేని విధంగా కొన్ని భారీ యాక్షన్ దృశ్యాలను చిత్రీకరిస్తున్నారు. టైటిల్ కు తగ్గట్టు వుండేవిధంగా యాక్షన్ సీన్స్ చేస్తున్నారని తెలుస్తోంది. ఆ సీన్లు ఈ సినిమాకు హైలైట్ గా నిలుస్తాయని యూనిట్ వర్గాలు భావిస్తున్నాయి. ఈ వేసవిలోనే ఈ చిత్రాన్ని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.

విష్ణు సినిమాల గురించి మాట్లాడుకుంటే.. ఇప్పటివరకు ఈ హీరో నటించిన సినిమాలన్నింటికీ పెట్టిన టైటిల్ లో ఓ కామన్ వర్డ్ కనిపిస్తుంది. తాను నటించే మూవీల టైటిల్స్ లో ‘D’ అనే పదం వచ్చేలా విష్ణు జాగ్రత్తలు తీసుకుంటున్నాడు. ఎందుకంటే.. ఆ అక్షరంతో కూడిన టైటిల్ తన మూవీకి పెడితే అది ఖచ్చితంగా సక్సెస్ అవుతుందని అతని నమ్మకం. దీని వెనుక ఒక కథనం కూడా వుంది. విష్ణు తర్వాత సక్సెస్ లేక సతమతమవుతున్న తరుణంలో ‘ఢీ’ రూపంలో ఇతనికి ఘనవిజయం లభించింది. దీంతో ‘D’ అనే వర్డ్ తనకు కలిసొచ్చిందని, అప్పటినుంచి దాన్ని తన మూవీ టైటిల్స్ లో వాడుకుంటున్నాడు. ఇప్పుడు తాజాగా నటిస్తున్న ‘డైనమైట్’లో కూడా ఆ పదం వుంది కాబట్టి.. అది సక్సెస్ అవుతుందని నమ్మకంతో వున్నాడు విష్ణు!