నందమూరి కళ్యాణ్ రామ్

Posted: 03/03/2015 02:44 PM IST

Nandamuri kalyan ram director surendra reddy kick 2 movie updates tollywood news

చాలాకాలం నుంచి ఒక్క హిట్ కోసం పరితపించిన కల్యాణ్ రామ్ కు ‘పటాస్’ ద్వారా ఆ లోటు తీరిన విషయం తెలిసిందే! ఆ చిత్రం మంచి విజయం సాధించడంతోపాటు బాక్సాఫీస్ దగ్గర కలెక్షన్ల వర్షాన్ని కురిపించింది. దీంతో ఫుల్ జోష్ మీదున్న కళ్యాణ్.. మరో సినిమా చేయనున్నాడని వార్తలు వస్తున్నాయి.

సురేందర్ రెడ్డి దర్శకత్వంలో రవితేజ హీరోగా ‘కిక్-2’ చిత్రం రూపొందుతున్న విషయం తెలిసిందే! ఈ సినిమాను ఎన్టీఆర్ ఆర్ట్ బ్యానర్ మీద కళ్యాణ్ రామ్ నిర్మిస్తున్నాడు. ఈ మూవీ తర్వాత కళ్యాణ్ రామ్ తో కలిసి మరో సినిమా చేసేందుకు దర్శకుడు సురేందర్ రెడ్డి అంగీకరించాడట! అయితే.. ఆ చిత్రంలో హీరోగా కళ్యాణ్ రామ్ నటించనున్నట్లు తెలుస్తోంది. త్వరలోనే ఈ మూవీకి సంబంధించి మరిన్ని వివరాలు అధికారికంగా వెలువడి కానున్నాయని ఇండస్ట్రీ వర్గాలు తెలుపుతున్నాయి.

ఇదిలావుండగా.. సురేందర్ రెడ్డిని దర్శకుడిగా ఇండస్ట్రీకి పరిచయం చేశాడు కళ్యాణ్ రామ్! వీరిద్దరి కాంబోలో ‘అతనొక్కడే’ చిత్రం వచ్చింది. ఆ చిత్రంలో కళ్యాణ్ హీరోగా నటించడమే కాకుండా స్వయంగా నిర్మించాడు కూడా! అలా తనకు తొలి అవకాశమిచ్చిన కళ్యాణ్ రామ్ ను సూపర్ స్టార్ గా నిలబెట్టడానికి ఓ చిత్రం చేస్తానని సురేందర్ రెడ్డి చెప్పాడట! అందుకు కళ్యాణ్ కూడా ఓకే చేశాడని సమాచారం! అంటే.. త్వరలోనే వీరి కాంబోలో మరో మూవీ తెరకెక్కనుందన్నమాట!