నాగార్జున

Posted: 09/16/2014 03:36 PM IST

Hero nagarjuna entry in tollywood after meelo evary koteeswarudu show

ఐదుపదుల వయస్సు దాటినా కూడా అక్కినేని నాగార్జున ఇంకా టాలీవుడ్ నవమన్మథుడిగానే కొనసాగుతున్నాడు. నేటి యువహీరోలన్నింటిలో హ్యాండ్ సమ్ హీరో ఎవరని ప్రశ్నిస్తే.. అందుకు ఠక్కున టాలీవుడ్ ఇండస్ట్రీలో వున్న సినీప్రముఖులుసైతం నాగార్జునేనంటూ సమాధానమిస్తారు. అలా తన అందాన్ని మెయింటేన్ చేస్తాడు ఈ మన్మథుడు. గతంలో ఇతను నటించిన చిత్రాలన్నీ వరుసగా ఫ్లాప్ అవుతున్న కారణంగా కొన్నాళ్లపాటు పరిశ్రమ నుంచి విరామం తీసుకుని ‘‘మీలో ఎవరు కోటీశ్వరుడు’’ అనే షోకు హోస్ట్ గా బాధ్యతలు నిర్వర్తించాడు. తనకు భారీ హిట్ ని అందించే మంచి కథ దొరికితే తిరిగి మళ్లీ ఎంట్రీ ఇస్తానని అప్పటికే ప్రకటించిన ఆయన... ఇంతవరకు ఆ విషయం ఇంకా నోరు మెదపలేదు.

ఇప్పుడు తాజాగా ఇండస్ట్రీవర్గాల నుంచి అందుతున్న సమాచారాల ప్రకారం... నాగార్జున తిరిగి ఒక సరికొత్త కథాంశంతో ఎంట్రీ ఇవ్వబోతున్నాడని తెలుస్తోంది. కల్యాణ్ అనే కొత్త డరెక్టర్ తో తాను మూవీ తీయబోతున్నట్లు ఇదివరకే నాగార్జున కూడా స్వయంగా ప్రకటించేశారు. ఈ మూవీలో అతను డబుల్ రోల్ చేయబోతున్నాడు. ఇప్పటికే ఈ మూవీలో ఆయన సరసన రమ్యక్రిష్ణను తీసుకోగా... మరో హీరోయిన్ తమన్నాను తీసుకుంటున్నట్లు వార్తలు వస్తున్నాయి. ఈ విషయమై మిల్కీ బ్యూటీతో నాగార్జున చర్చలు జరుపుతున్నట్లు సమాచారం! నాగార్జున తన కొత్త సినిమాను సొంత బ్యానర్ పై నిర్మిస్తున్నాడు. ఇంకా ఇందుకు సంబంధించిన అధికారిక ప్రకటనలు వెలువడాల్సి వుంది.