Posted: 01/12/2013 05:09 PM IST

       చేసే పనిపట్ల ఎంత శ్రద్ధకనబరుస్తుందో మనుషులన్నా, పక్షి, జంతుజాతులన్నా మిల్కీ బ్యూటీ తమన్నా అంతే ఆదరణ చూపుతుంది. అందుకేనేమో  నెల్లూరు జిల్లా సూళ్ళూరుపేటలో జరిగిన 'ఫ్లేమింగోస్' ఫెస్టివల్ ముగింపు కార్యక్రమానికి అతిథిగా వెళ్లే అవకాశం వెతుక్కుంటూ వచ్చింది. అంతే రెక్కలు కట్టుకుని సాగర తీరాన పక్షిలా వాలిపోయింది. ఫ్లేమింగో పక్షులను చూస్తూ పని ఒత్తిడిని మరిచిపోయింది. ఈ సందర్భంలో ఏమందంటే,  మొదటిసారి ఆ అందమైన ఫ్లెమింగొస్ ని చూస్తూ వుంటే అనిర్వచనీయమైన అనుభూతి కలిగింది. తీరిక లేకున్నా ఫ్లేమింగోలను చూడాలన్న కోరికే నన్ను ఇక్కడి వరకూ రప్పించింది. పర్యావరణ అనుకూల ఉత్సవాలకు నా ప్రోత్సాహం ఎపుడూ వుంటుందంటూ తమన్నా తన అభిరుచిని వ్యక్తపరచింది.