‘సూపర్ స్టార్ క్రిష్ణ’ మేనల్లుడిగా ‘ఎస్.ఎం.ఎస్’ సినిమాతో తెలుగు తెరకు పరిచయం అవుతూ దూసుకువస్తున్న మరో వారసుడు సుధీర్ బాబు. ప్రిన్స్ మహేష్ బాబుకి సొంత బావ. ఎంత స్టార్ డమ్ ఉన్న హీరోల అండ ఉన్నా... తనదైన ప్రతిభతోనే ఇక్కడ రాణిస్తానని నిక్కచ్చిగా చెబుతున్నాడీ కుర్రాడు. మరి ఆయన చెప్పిన విషయాలు.

సూపర్ స్టార్ల కుటుంబంలోని హీరోవి. గ్రాండ్ లాంచ్ కావచ్చు కదా ?

క్రిష్ణ – మహేష్ లాంటి సూపర్ స్టార్ల కుటుంబం నుండి వచ్చినా... నన్ను నేను స్వయంగా నిరూపించుకోవాలనుకుంటున్నా. అందుకే ఏ హంగూ, ఆర్భాటం లేకుండా వస్తున్నా. మామయ్య క్రిష్ణ, బావ మహేష్ ల సూచనలు ఉపయోగ పడుతున్నాయి. డాన్సులు, ఫైట్స్ సహా అభినయం, హావ భావాలపై రెండేళ్ళ పాటు శిక్షణ తీసుకున్నాను. ఇక నేనేమిటో నిరూపించుకోవడమే మిగిలింది.

‘ఎస్ఎంఎస్’ గురించి ?

‘ఎస్ఎంఎస్’ (శివ మనసులో శ్రుతి) అనేది ఉప శీర్షిక. శివ పాత్రలో నేను నటించాను. శ్రుతిగా రెజీన నటించారు. సూపర్ గుడ్ ఫిలిం స్థంస్థ వేగ ఎంటర్ ప్రైజెస్ పతాకంలో విక్రమ్ రాజ్ నిర్మించారు. అంతకు ముందే గౌతమ్ మీనన్ ‘ఏమాయ చేసావె’ సినిమాలో కెమెరా ముందు నటించాను. అది కెమెరా రిహార్సల్స్ కోసమే.

సిక్స్ ప్యాక్ చేయరా ?

అల్రెడీ ఉంది. అయినా నేను స్వతహాగా బ్యాడ్మింటన్ ప్లేయర్ ని. క్రీడాకారుడు ఎప్పుడు ఫిట్ గానే ఉంటాడు. 6 ప్యాక్ ఉన్నా సినిమాల్లో కథాంశం ప్రకారం అవసరం అనుకుంటేనే చూపిస్తా.

పుల్లేల జీవితం ప్రేరణ...

నా స్నేహితుడు పుల్లెల గోపీచంద్ జీవితం నాకు ప్రేరణ. చిన్నప్పటి నుండి ఎంతో కష్టపడి ఎదిగిన వ్యక్తి. తనతో కలిసి బ్యాడ్మింటన్ క్రీడాకారుడిగా వెలుగొందాను. రాష్ట్రస్టాయి క్రీడాకారుడిగా, జూనియర్ ప్రపంచ కల్ లో పాల్గొన్నా. తన జీవిత కథలో నటించాలని ఉంది.

‘దూకుడు’ ఆడియోలో క్రిష్ణ గారు మిమ్మల్ని పరిచయం చేశారు కదా ?

‘దూకుడు’ ఆడియో వేడుకు నా స్వస్థలం విజయవాడలో జరిగింది. అక్కడే అభిమానులందరికి మామయ్య పరిచయం చేశాడు.

సినిమాల్లోకి వస్తానంటే మొదట్లో మీవారు ఏమన్నారు ?

సినిమా కష్టాలు చెప్పారు. ఇక్కడ సక్సెస్ రేటు తక్కువ. అపజయాలే ఎక్కువ. జయం- అపజయం రెండింటినీ సమానంగా తీసుకో. ఫెయిలయినప్పుడు కుంగిపోకూడదు. తిండి, నిద్రహారాలు నీ చేతిలో ఉండాలి. ఇలా చాలా చెప్పారు తప్ప ఎక్కడా నిరాశపర్చలేదు.

సూపర్ స్టార్ల సలహాలు ?

ముందు బాగా శిక్షణ పొందమన్నారు. అందుకే డ్యాన్సులు, ఫైట్స్ లో రెండేళ్ళ పాటు సుధీర్ఘంగా శిక్షణ తీసుకున్నాను. ఆ తరువాతే హీరోనయ్యాను.

క్రిష్ణ, మహేష్ ల స్పందన ?
డాన్సులు, ఫైట్స్ బాగా చేశావన్నారు.

నమ్రత నుండి స్పందన ?

నమ్రత నా ఫెర్ఫామెన్స్ చూసి ‘బాగా చేశాడట’ చూడండి అని మహేష్ కి కూడా చెప్పారట.

పెళ్ళెప్పుడైంది ?

2006లో

విద్యార్హత ?

బీఈ కెమికల్ ఇంజనీరింగ్ .

స్పోర్ట్స్ ... సినిమా ఏది కష్టం ?

రెండూ బాధ్యాతాయుతమైనవే

క్రిష్ణ, మహేష్ తో కలిసి నటించరా ?

అందుకు అర్హత కావాలి.

తుది వాక్యం....

ఓ మంచి నటుడిగా నిరూపించుకోవాలి.